Pa le nab’e q’ij rech agosto, eri Wokajil Ajchajil Tinamit (PNC) xkoj jun k’aq pwaqb’al ja k’olme’r rech katoj wi resaxik ri wujilal ub’i’ antecedentes policiales ri’.
Eri Banco de los trabajadores (Bantrab) kutun rib’ ri keb’ bancos che ri katoj wi resaxik ri wujilal: ri Banco rech Desarrollo Rural (Banrural) xuquje’ ri Banco Industrial (BI) ri’; rech ketob’an chi ke ri winaqilal pa tinamit rech kakitaq uta’ik resaxik ri wujilal ri’.
Jeri’ xb’anik rech kakititz’o ta kib’ ri winaqilal che uta’ik resaxik ri kiwujilal pa aninaqil ri’, rumal ri’ eri q’atb’al Tzij xkikoj le plataforma ri’ rech kakesaj ri kiwujilal rech antecedentes policiales ri’, pa le ik’ enero k’a pa le ik’ julio ri’ rech pa junab’ ri’ k’o chik 819 mil 685 chi wujilal antecedentes ri’.
Jewa’ uta’ik rech resaxik ri wujil antecedentes policiales kab’an pa kaqiq’ pa uwachwuj ri’
· Chatok pa le link: policiales.pnc.gob.gt
· Rajwaxik katz’ib’aj ab’i’ kato chawe
· Chasolij ri a’usuario kaya pa le acorreo eletrónico
· Chatz’ib’aj ri a’usuario ri’ are chi’ kato resaxik awujil antedecentes policiales
· Chab’iya ri kub’ij wi “MENÚ” te k’u ri’ kate pa le opción “Antecedentes”
· Chatz’ib’aj ri rajilab’al ri wujil rech xatojo xuquje’ ri rajilab’al rech referencia
· Kak’ul jun correo kataq chawe rech tz’ajib’al ri awuj antecedentes
· Chab’iya ri kub’ij wi “Imprimir mis antecedentes”
· Chatz’ib’aj ri ajtzijol rech ri a’usuario xya chawe
· Te k’u ri’ kawil pa PDF ri awuj rech ri antecedentes policiales
· Chasoliji we ri awuj antecedentes we reqam ri código QR xuquje’ ya’talik rech katoj pa le licnk: policiales.pnc.gob.gt/prepoliciales2/validación
· Kab’ix chawe ri’ Tzij b’a are ri awuj antecedentes ri’.
Nati’l chawe ya’tal ri’ rech katoj Q30 ri’ we kawaj chatoj pa le BI pa kaqiq’ uwachwuj, wexu’ pa Banrural xuquje’ pa Bantrab’ ri’.