Pa le k’isb’al taq junab’ ri’ sib’alaj tajin ri b’anoj k’ax qojompwaq ri’ ub’i’ “gota a gota” xuquje’ ub’i’ “express” kumal nik’aj winaqil e colombianos ri pa aninaqil kakiya pwaq pa qajik, maj uwujil, man kub’al k’u’x taj, le xa’ jub’ik chi pwaq katzilixik ri qas chom ri ralpwaq ri’, rumal ri’ eri q’atb’al tzij rech ri Ministerio rech Gobernación (Mingob) xuquje’ ri Taqanelab’ rech ri Wokajil Ajchajil Tinamit (PNC), xkitaq ukojik ri Cholchak Chajinem ri’ 29-2023 ri’ rech uq’atexik ri b’anoj k’ax qajompwaq ri’ rumal k’u ri’ e chapom chik 74 chi winaqil rech Colombia xuquje’ rech iximulew ri’ pa junab’ ri’.
Rumal ri b’anoj k’ax ri’ kumal ri nik’aj e Itzel winaq, eri q’atb’al tzij xkichomaj xkikoj ri cholchak chajinem tzukunik, rech kechap nik’aj winaq ri’ che ri kakinawilij kikamisaxik winaq, rech kakitoq’ij chomapwaq chi ke ri’ xuquje’ eri kakitzalij ta ri pwaq ri’ kiterenb’em kikamisaxik xuquje’ ri k’asaj ri’ kaq’ax kanoq pa reqele’n ri e rachalal e k’o apanoq, jeri’ kabkib’an ri’ rech k’a jumpa’ kak’is utojik ri k’asaj ri’.
Eri xechap loq
Paq’ij kamik pa le barrio El Centro rech ri uq’ab’ tinamit rech Chisec, Alta Verapaz, xechapa wi loq jun winaq ub’i’ Hayder Barrios Nuevos Olivares, 35 ujunab’ xuquje’ junn chik ub’i’ Erneides de Jesús Hoyos Caro, 25 ujunab’, e uwinaqil colombiana ri xeriqitajik ketajin che kaxib’ixik ri winaq rech kakitoq’ij ri Itzel qajompwaq “gota a gota” ri’.
Eri nik’aj winaq ri’ e b’enaq chi rij ri kejach’ich’ placas M-198GJT, xuquje’ xriqitaj Q895 chi pwaqil keqam are uwach ri pwaq kakitoq’ij chi ke ri winaq ri’.
Jeri’ pa le barrio El Centro, La Libertad, Petén, xchap wi loq jun achi colombiano ub’i’ a John Fredy Ibarguen Granja, 28 ujunab’, kab’ixik eri umak are ajqajomanel pwaq chi ke winaq ri’ ruk’ b’anoj k’ax ri’ ruk’ xriqitaj wi Q2 mil ri’ xuquje’ jun kejach’ich’ placas M-878KBP.
E k’o nik’aj e aj iximulew xechapik
E k’o waqib’ chi winaqil e aj iximulew xechapatajik ri kakiya pwaq pa qajik chi ke winaq ruk’ b’anoj k’ax xib’inik.
Pa k’isb’al wuqq’ij kanoq pa le Terminal rech Buses rech ri zona 1, Playa Grande Ixcán, Quiché, chi la’ xechap wi loq jun a Urbin Estuardo De León, 18 ujunab’, a Erminio Enrique Tzunux Ajpop, 27 ujunab’, a Roberto Ajtun De León, 23 ujunab’ xuquje’ a Pedro Domingo Tzunux Ajpop, 36 ujunab’, xeriqitajik are chi’ ketaji che toq’inik ri pwaq ri’ chi ke ri e ajk’ayinelab’ rech chi la’ k’ut.
¿Jas kuwach ri kakib’an ri “gota a gota” ri’?
“Le Junior” are kutaq ri pwaq pa qajik xuquje’ are kataqon chi ke ri rajtaqo’ninel, xuquje’ are ke’ukoj nik’aj chik k’ak’ rajtaqo’n ruk’ e are ri’ ke’opan pa tinamit xuquje’ are ke’utaq che b’anoj k’ax ri’ pa taq tinamit, rech kakiya pa qajik pwaq chi ke ri winaq.
Eri ajtaqanel xuquje’ ajwoksolinel ri’, are kujach ri pwaq xuquje’ are kuk’am ri pwaq pa kaq’ab’ ri e ajsolinel ri’. xuquje’ are kurilo, kuloq’o kib’i’ ri winaq k’o pa ja k’olme’r, are kuril uwach taq, kusolij uwach le sitios web xuquje’ ri redes sociales ri’.
Eri ajsolinel ri’, are kerilo ke’uchajij ri rajtaqo’n k’o pa reqele’n pa tinamit, ri e k’o qaraj job’ xuquje’ e lajuj ri’. pa uq’ab’ kajach wi ri pwaq kakimol ri e ajmolol ri pwaq ri’ xuquje’ kumal ri e ajno’jiminel ri pwaq pa qajik. Eri nik’aj e k’isb’al ri’ e are kakikoj ri pwaq ri maj pa usaqil kakiya ri pwaq pa qajik chi ke ri winaq ri’ xuquje’ e are kakimol ri pwaq ronojel q’ij ri’.
Eri e ajtaqo’n ri’, e are kakiya ub’ixik pa tinamit, e are kakitzuj chi ke ri winaq ri’, e are ketzukun ri winaq e ajk’ayinel che ri kek’ayin pa tinamit rech kaya pwaq pa qajik chi ke ri’.