Eri Reqa’lenel ri Subdirección General rech Tecnologías rech ri Información xuquje’ rech Comunicación ri’ (SGTIC) rech ri Wokajil Ajchajil Tinamit (PNC), paq’ij kamik xkimaj ri b’anoj ujachik ri 2 mil 500 chi k’ak’ kemal tz’ib’ rech kak’oji pa rachoch ri chakuja rech ajchajil tinamit rech ri rulewal tinamit. Eri uloq’ik ri tob’chakub’al kemal tz’ib’ ri’ are la’ katob’an ruk’ ri chakunem rech uwach ri Cholchak rech Eje Tecnología xuquje’ Innovación rech ri Estrategia rech Transformación Policial ri’, ri uk’amom ub’e’al rumal ri K’amal B’e Amaq’ Iximulew pa le reqele’n uchakunik ri Ministerio rech Gobernación ri’ (Mingob).
Eri subdirector General rech ri SGTIC xub’ij che ri kemal tz’ib’ k’o nim upatanib’al ri’ ri k’o 500 Gigabyte uchuq’ab’ rech disco duro ri’, 16 Gigabyte rech memoria RAM xuquje’ jun b’anob’al Intel Core 17. “Eri wokajil chajin tinamit tajin che ri k’ak’ taqanem rech tecnológica, ruk’ uloq’ik xb’anik ri puqchakub’al kemal tz’ib’ rech kutoq’ij ri q’atan chak ri’ xuquje’ rech kub’an jun utzilaj nimanem chi ke ri winaqilal pa konojelil” xcha’.
Rumal ri’ eri Subdirector General xub’ij che ya’om uchuq’ab’ ri chak upatan ri wokajilal ri’ ruk’ uloq’ik ri tob’chakub’al biométricos, ri ub’anob’alil ri escáner xuquje’ ri drones ri’, ruk’ nik’aj chik. “Eri ukojik ri tob’chakub’al ri’ are la’ kuya uchuq’ab’ ri b’anoj chajinem xuquje’ ri q’atenik ri k’ax kumal reqa’lenel chajinem tinamit pa le kaq’atexik ri nik’aj narcotráfico ri’, ri nuk’wokaj kamisanem pa juntir kuwach ri’”, xcha’.
Eri k’ak’ kemal tz’ib’ ri’ are kub’an pa ronojel rajilab’al 2 mil 924 ri e jachom chik pa rulewal tinamit, pa ronojel kub’an ri’ 5 mil 424 chi tob’chakub’al jachom chik pa taq ri subestaciones, estaciones, ri comisarías xuquje’ pa taq ri unidades especializadas rech ri ajchajin tinamit. Xuquje’ e jaqom chik 30 mil chi cuentas rech Google Workspace, ri uk’am uwach juntir ri plataforma educativa rech Classroom xuquje’ rech ri plataforma Workspace for Education ri’.