Eri e ajchajil tinamit rech ri jalajoj chakuja che ri e taqom pa chajinem chi ke ri e ajka’yel pa le nimaq’ij ri’.
Pa taq ri le 15 rech agosto ri’ kab’an ri Nimaq’ij rech ri nimatinamit iximulew ri’ pa le uk’ulik uq’ij le Virgen rech ri Asunción. Eri nimaq’ij are tajin chi la’ pa le avenida Simeón Cañas xuquje’ Hipódromo del Norte, pa le 5ª xuquje’ 6ª calles, zona 2 rech uk’u’x nimatinamit.
Rumal ri nimaq’ij ri’, eri q’atb’al Tzij rech ri Wokajil Ajchajil Tinamit (PNC), kitaqom ri reqa’lenel pa kawokajil ri e ajchajil tinamit xuquje’ rech taq ri comisarías 11, 12, 13, 14, 15 xuquje’ 16 kuwach ri Distrito Central, rech kechajin chi ke ri 1.5 millones chi winaqil e aj iximulew che ri ke’opan pa ka’yik chi’.
Pa le nimaq’ij, eri wokajil ajchajil tinamit tajin kakib’an puqchajinem pa amaq’el, kechajin pa le nimaq’ij ri’, ketzijob’en kuk’ ri winaqil, kechajin chi rij apanoq, kechajin che kaqan xuquje’ chi rij kejach’ich’, e k’o 100 chi e ajchajil tinamit keriqitaj pa chajinem chi ke ri winaqila chi la’ k’ut.
Xuquje’ eri reqa’lenel ri Subdirección General rech Investigación Criminal rech ri PNC, xkikoj jun k’olib’al chi la’ rech ke’etz’an wi ri ak’alab’ rech kek’oji kuk’ ri winaqil ri’. pa le nimaq’ij ri’ eri e ajchajil tinamit tajin kakijach wuj rech ya’ltzijol rech ub’ixik ucholaj kipatan ri e ajchajil tinamit, jeri’ rech ub’ixik b’ixik loq kumal ri winaqil pa aninaqil ri’.
E k’o 1.5 millones chi winaqil e aj iximulew tajin ke’opan pa le Nimaq’ij rech Jocotenango ri’.
Pa le nimaq’ij k’o 317 chi k’olib’alil rech tijob’al wa/rikilem, k’o tib’ilil kak’ayixik, k’o loterías ruk’ etz’enemb’alil chi’. Xmajtaj wari’ pa le sábado 5 rech agosto xuquje’ are kak’isik pa martes 15, eri nimaq’ij k’o pa lajuj (10:00) pa juk’al keb’ (22:00) kajb’al ri’.
Utzijob’el nimaq’ij ri’
Eri nimaq’ij are kab’an ojer kanoq, maja’ ri’ kaq’axexik ri nimatinamit pa le Valle de La Ermita. Xuk’am uchuq’ab’ runimal ub’anik ri’, rumal xkoj che runimal ri nimatinamit ri Virgen de la Asunción ri’. Pane’ b’a’ xjalan ub’anik, pa amaq’el ri’ k’o nimaq’ij rech komontyox ch’ab’al xb’an ri’, k’o rech ka’yem xuquje’ etz’anem b’anom kumal e k’i jawinaqib’, ri ke’opanik che ub’anik uch’ab’al ri Nuestra Señora de la Asunción xuquje’ rech xkeche’ej rech xatijo k’i taq wa/rikil jastaq chi’ xuquje’ rech xe’opan pa taq le etz’anem chi’.
Ri Claudia Ajín xub’ij chi keriqitaj pa chajinem chi’ e k’i taq reqa’lenel ri Wokajil Ajchajil Tinamit rech kato’ik ri winaq chi’. “Xaq kisaqer k’ut e k’o chik pa chajinem ri’ xuquje’ are utz ri’ rumal pa joremal kujk’oji pa le qak’ayib’al ri’ xuquje’ utz chi ke ri winaq kepe che ka’yik ri’”, xcha’.