Pa le 29 rech julio k’a pa le 6 rech agosto ri’, eri q’atb’al tzij rech ri Ministerio rech Gobernación (Mingob) pa komonchak kuk’ ri División rech Seguridad Turística (Disetur) rech ri Wokajil Ajchajil Tinamit (PNC) xkipatanij ub’anik ri Plan rech Seguridad No. 28-2023 ub’i’ “Kachajixik ri e Wa’katel Winaq pa Nimaq’ij Agostinas” ri’.
Eri cholchak ri’ xk’ojik rumal ri xopan ub’anik ri Nimaq’ij Agostinas ri’ ri kepe wi e k’i taq wa’katel winaq rech El Salvador rech xkeche’j ri q’ij rech uxulanem rech xepe pa wa’katem pa rulewal nimatinamit Iximulew ri’.
Ri taqanel rech puqchajinem rech ri Disetur, xub’ij ri’, chewe taq ri uk’okib’al wa’katem ri’ are la’ qas ke’opan che ka’yik kumal ri winaqil e salvadoreños ri’: pa Le Antigua Guatemala, pa Panajachel, Tikal, Cobán, Esquipulas, Retalhuleu, Izabal, Quetzaltenango xuquje’ le Verapaces ri’.
Are chi’ xb’antaj ri cholchajinem ri’, eri q’atb’al tzij rech ri Disetur xkiya’o ub’ixik ucholajil chi e k’o 112 mil 743 chi winaqil e wa’katel ri’ xenimaxik xechajix ri’ pa taq le ixkanul, chi uchi’ palow, pa taq k’olib’em uxulanik, pa taq k’ayib’al, pa taq ojer kik’olib’al e ajwaralib’.
E k’o 239 chi e wa’katel winaq kakichap kib’e rech ke’aq’anik pa uwi taq ixkanul rech we tinamit, e k’o ri’ e 25 chi winaqil xtzijob’ex ub’ixik ucholajil chi ke ri b’anoj wa’katem ri’, e k’o 97 chi winaqil xe’achib’ilaxik xechajixik pa taq le b’e pa amaq’el ri’, e k’o e kajib’ xe’ilik xeto’ik xuquje’ e 237 chi ch’ich’ xesuk’ub’ax ri’.
Jeri’ e k’o 1 mil 865 chi wa’takelab’ e petinaq pa taq le ch’ich’ xb’ix chi ke jachike ri kub’al taq nimab’e ri’. Xmajtaj kachajixik pa le frontera rech Valle Nuevo, Jalpatagua, Jutiapa, k’a xe’opan pa le nimatinamit rech Iximulew xuquje’ qas ub’i’ Paxil kayala’. Eri xe’opan wi rech xkimolo kib’ chi la’ pa Ciudad Cayalá, zona 16 rech pa nimatinamit xuquje’ rech xetzalij b’i pa le frotera jeri’ xe’ilik.
Pa le ub’ixikil xya’ik, e k’o 3 mil 667 chi wa’katel winaq e b’enaq pa taq le ch’ich’ ri’ ri sib’alaj xechajixik are chi’ e b’enaq pa le nimab’e kub’al ri’.
Pa le cholchajinem kumal ri reqa’lenel ri Disetur, xkichap ri’ e 22 chi winaqil rumal xeriqitajik ketajin che b’anoj ri k’ax xuquje’ e k’o oxib’ xtaq kichaopik rumal q’atb’al tzij. Xuquje’ e k’o job’ chi ch’ich’ xuquje’ job’ chi kejach’ich’ xechap ri’ xuquje’ xriqitajikl lajuj chi nitz’ k’olib’al rech chiyim ruk’ marihuana xuquje’ ruk’ jun ruk’ crack.
Eri reqa’lenel ajchajil tinamit xkib’an 550 chi puqchajinem ilonik pa taq le xe’opan wi ri winaq e salvadoreño ri’.