Are wa’ uwach ri Cholchak ub’i’ Eje rech Prevención Escolar, eri reqa’lenel ri Subdirección General rech Prevención rech ri Delito (SGPD) rech ri Wokajil Ajchajil Tinamit (PNC), xkib’an 82 chi puqchajinem pa taq rachoch tijob’al pa rulewal tinamit; are rech taqim kachajixik ri e ajtijoxel rech ri jalajoj uwach rech q’attijonem xuquje’ rech kaq’atexik ri winaq e ajb’anol k’ax chi ke ri ak’alab’, taq alai taq ali xuquje’ chi ke e q’apojil ri’.
Eri PNC xub’ij che pa le nimatinamit rech Iximulew tajin ub’anik 340 chi solinem chi ke taq tijob’al pa taq tinamit xuquje’ k’o 815 chi solinik pa taq tinamit rech we amaq’il ri’.
Ri molinik kuk’ ri tijob’al ri’
Pa le rachoch tijob’al ub’i’ Escuela Oficial Urbana Mixta rech ri caserío el Lazareto, Jalapa; eri ajchajil tinamit xkib’an wa’katenik ri’ rech xkitaqij uq’atexik ri b’anoj k’ax chi ke ri e ajtijonel, e ajtijoxel xuquje’ ri k’ax kab’an che ri rachoch tijob’al ri’.
Jeri’, pa le tijob’al ub’i’ Colegio Mixto Manitas Creativas, ri k’o pa 6ª calle xuquje’ 2ª avenida, barrio San Lucas, zona 2 rech Palín, Escuintla, chi la’ xetijox wi e k’i e ajtijoxel rech rox nab’e q’attijonem rech uch’ob’ik b’anoj rachib’al taq jastaq ri’ ub’i’ “Chaqayaka ri Joremal Chaqatulisaj ri K’ax ri’”.