Paq’ij miércoles 16 rech agosto eri reqa’lenelab’ ri Comisaría 73 rech ri Wokajil Ajchajil Tinamit (PNC) xechap b’i e 11 chi winaqil hondureños ri’, e oxib’ ch ike e ak’alab’, ri petinaq loq pa le kilómetro 83.5 nimab’ Interamericana, juyub’al rech Tecpán, Chimaltenango ri’.
Are chi’ xq’atexik ri ajb’inisal ri ch’ich’ ri’ xsolixik, pa le ch’ich’ ri’ xeriqitaj wi ri winaq e ajq’axel b’i pa Occidente ri’. Are chi’ xta chi ke jawchi’ keb’e wi xkib’ij chi xa’ qupim kib’e e b’enaq rech naqaj ke’opan pa Estados Unidos ri’.
Eri e ajb’inisal ch’ich’ ri’ xkib’ij che ri ch’ich’ ri’ xe’eqan chi upam ri’ pa le 41ª calle, zona 8 rech uk’u’x nimatinamit.
Eri winaqil e ajq’axel ri’ xek’am b’i pa le delegación k’o naqaj chi re ri Instituto Guatemalteco rech Migración (IGM).
Xechap b’i pa Chiquimula
Paq’ij kamik xuquje’ iwir, e k’o 534 chi winaq e ajq’axel rech Venezuela, oxib’ chi ecuatorianos xuquje’ jun colombiano xeto’ik xuquje’ xek’am b’i pa le IGM, k’o pa le aldea Agua Caliente, Esquipulas, Chiquimula ri’.
Eri winaqil e ajq’axel ri’ xeriqitaj b’i pa le tinamit ri’ pa le kilómetro 230 ri’, nimab’e Interamericana pa juyub’al rech Esquipulas, Chiquimula, ri xkib’ij man k’o kiwujil e k’o pa tinamit ri’.