Eri q’atb’al Tzij rech ri Ministerio rech Gobernación (Mingob) xuya ub’ixik chi e k’o 43 mil chi eqa’lenel rech ri Wokajill Ajchajil Tinamit (PNC) rech ri ukab’ cha’onem pa tinamit ri tajin ub’anik paq’ij domingo 20 rech junio ri’.
Eri Ministro rech Gobernación, xub’ij che ri uq’ab’ tinamit che ri xb’an wi pa ka’mul b’anoj cha’onem chi la’ k’ut xetaq wi jun wokaj ajchajil tinamit rech kechajin pa taq uk’olib’al cha’onem ri’.
Jeri’, e k’o keb’ uk’olib’alil terenb’em chajinik ri’; jun pa Casa Presidencial ri’ xuquje’ jun chik pa le Dirección General rech ri PNC, chi la’ k’ut chewe chanim maj jun k’ax maj jun ch’ojinik man k’ot ri’ pa tinamit.
Pa le cholchajinem Plan rech Seguridad 32-2023 ri’ xkoj rumal ri K’amal B’e rech Iximulew pa le reqele’n ri Mingob’, eri wokajil ajchajil tinamit kejachin pa kaqiq’ chowe kaj, pa taq ch’ich’ pa nimab’e, k’o puqchajinem rech q’atenik ronojel k’ax ch’ojinik pa tinamit rech pa joremal b’a’ kek’oji ri winaqil e aj iximulew pa uq’ijol ri’ xuquje’ are k’isinaq chik ri cha’onem pa tinamit.
Xuquje’ eri Taqanel rech ri Ya’olchajinem pa Amaq’ xub’ij che e chapom chik e 100 chi winaqib’ rumal xkinimaj taq ri Ley Seca ri kanimaxik k’a pa waqib’ (6:00) kajb’al rech q’ij lune s21 rech agosto rech 2023.
“E k’o 43 mil chi eqa’lenel rech ri ajchajil tinamit xetaq pa chajinem pa rulewal tinamit rech kechajin chi ke ri winaqil che ri ke’opan pa le cha’onem pa taq tinamit ri’ xuquje’ rech e k’o pa uchajixik ri 3 mil 825 uk’olib’al cha’onem ri’ rech ri Ukab’ ri Cha’onem pa Tinamit”, xcha’.