Are chi’ maja’ na umajtajik ri ukab’ cha’onem pa Tinamit 2023 ri’, eri q’atb’al Tzij rech ri Mnisterio rech Gobernación (Mingob) xuquje’ ri taqanelab’ rech ri Wokajil Ajchajil Tinamit (PNC), pa unimaxik ri Plan 32-2023 ri’, are k’ut xmajtaj chanim pawe q’ij 19 rech agosto ri’ ruk’ jo’ob’ chajinem pa kaj ri’ kumal ri xik’ach’ich’ rech ri Unidad Aérea rech ri Taqawokajnem rech ri Ya’olchajinem pa Amaq’.
Are taqim ub’anik ri solinem pa taq ri k’olib’alil ri cha’onem pa taq ri tinamit rech Izabal, Alta Verapaz, Guatemala, Suchitepéquez, Quetzaltenango xuquje’ Retalhuleu ri’.
Xuquje’ eri e ajtaqonel ri e ajchajil tinamit xkimol kib’ kuk’ ri q’atb’al Tzij rech ri Tribunal Supremo Electoral (TSE), rech ri Ministerio Público (MP) xuquje’ kuk’ ri e ajkalte’ib’ rech taq tinamit rech kakiya kitzij rech ketob’anik kuk’ ri e ajchajil tinamit pa le uq’ij ri cha’onem pa tinamit rech kab’an pa joremal ri’.
Jeri’ eri K’amal B’e rech ri PNC, sib’alaj xub’ij che are wa’ jun nimab’al kuk’ ri winaqilal ri’ rech pa utzilem kek’ojii pa le nimaq’ij amaq’il ruk’ maj b’anoj ch’ojinik. “Xaq xu’ xsaqarik ri’ xkimaj ub’anik ri chajonem pa tinamit kumal ri e 42 mil chi e ajchajil tinamit pa le k’olib’alil rech ri ri cha’onik. Kojtajin k’ut che unimaxik ri Ley Seca, rumal ri’ e 23 winaq e chapom ri’.
Pa le Dirección General rech ri PNC kariqitaj wi ri Centro rech Monitoreo, chi la’ k’ut keriqitaj wi e e 27 distritos policiales ri’ rech kakib’an ri chajinem pa tinamit.