Pawe q’ij, eri Ministro rech Gobernación ri’, ri Viceministros xuquje’ ri taqanelab’ ri Wokajil Ajchajil Tinamit (PNC), xkimaltyoxij ri keqale’n ri 43 mil chi reqa’lenel ri PNC ri xetaq pa taq tinamit pawe amaq’il rech sib’alaj xechajinik pa uk’olib’alil ri ukab’ uq’ijol kicha’ik ri k’ak’ q’atb’al Tzij e kamal b’e amaq’il 2023 ri’. rumal ri’ eri taqanel rech ri Ya’olchajinem pa Amaq’ xub’ij che are are wa’ xub’an ri’ rech xb’antaj jun nimaq’ij wari’ pa utzilem joremal.

“Kiniinya kiq’ij ri xechakun pa wokajil pa ya’olchajinem ri’ rech xkib’an jun utzilaj chajinem chi ke ri winaqi ri’

Weta’m k’ut e k’o e uxuluninaq taj katijom ta kiwa, konojel b’a e ch’akoninaq. Maltyox che ri kichak”, xcha’ ri nim patanel.

Xuquje’, eri Ministro rech Gobernación (Mingob) xub’ij che ri ajchajil tinamit xkib’an utz che kib’ rumal ri’ are xq’alajin pa taq ri wokajil rech taq tinamit pa uwachulew ri xkib’ij che sib’alaj utz ri kichak kib’an pa le nab’e xuquje’ pa ukab’ nimacha’onik k’ak’ k’amal b’e tinamit 2023 ri’.

Rumal b’a pa aninaqil xek’oji pa ya’olchajinem ri wokajil ajchajil tinamit ri’ xekowon k’ut xkichapo e keb’ chi winaqil keqam jastaq rech xkaj xkib’an ri k’ax pa keb’ uk’olib’al cha’onem pa le zona 4 rech Mixco, Iximulew ri’ xuquje’ pa le zona 18 rech ri uk’u’x nimatinamit.

Pa k’isb’alil eri nim patanel ri’ sib’alaj xub’ij chi ke ri ajchajil tinamit rech kakiterenb’ej ub’anik ruk’ ri utzilaj chakunem rech pa le kachajixik ri winaqil ri’.