Eri ujachik ri kemaltz’ib’ pa le jalajoj ri rachoch k’olib’al ri Wokajill Ajchajil Tinamit (PNC) pa tinamit katajin uterenb’exik pa le wuqq’ij ri’ rumal ri Subdirección General rech Tecnologías rech ri Información xuquje’ ri Comunicación (SGTIC) pa le Dirección General rech ri PNC, k’o pa zon a1 rech ri nimatinamit Iximulew ri’.
Eri Taqanel rech ri SGTIC xub’ij che pa le 7 rech agosto ri’ xmajtaj ujachik ri (2 mil 500 chi kemaltz’ib’ rech kakoj pa uwi mexa pa ronojel rulewal tinamit ri’ xuquje’ pawe q’ij ri’ are karaj na (240) kajachik, rech taqim utoq’ixik ri’ pa le uwokajilal ri ajchajil tinamit rech k’o jun utzilaj chajinik chi ke ri winaqil pa tinamit.
Eri kemaltz’ib’ are k’o jun nimalaj uchuq’ab’ rech (500) Gigabyte rech kolib’al Tzij, k’o (16) Gigabyte rech ukolib’al RAM xuquje’ k’o jun uprocesador Intel Core i7 ri’. Are la’ xutun rib’ rech pa ronojel xjachik (2 mi 924) ri’.
Eri K’amal B’e rech Amaq’il Iximulew pa le reqele’n ri Ministerio rech Gobernación (Mingob), xuloq’ junmulaj chi kemaltz’ib’ xuquje’ eri Sección rech Asuntos Antinarcóticos xuquje’ rech Kojob’al ri Taqanem ri’ (INL, ub’i’ pa inglés tzij) rech ri Embajada rech Estados Unidos rech América xusipaj xuya loq pa ronojel ri’ (5 mil 424 ri’), are la’ kakojik rech kuya’o uchuq’ab’ ri b’anoj ya’olchajinem kumal ri PNC xuquje’ ri chak ub’anom ri Cholchak rech Tecnología xuquje’ Innovación rech ri Ub’anob’alil ri Transformación Policial ri’.