Eri reqa’lenel ri dirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) ri’ pa 27 rech agosto ri’, xkib’an k’i taq tzukunem, rech xkitzukuj xuquje’ rech xkiporj uwach taq ri tiko’n rech awan kunab’al pa taq juyub’al rech rulewal tinamit.
Eri tzukunem ri’ are la’ xb’antaj pa le Santa Lucía La Reforma xuquje’ pa Momostenango, rech Chuwi’meq’ina’ ri’, chi la’ k’ut xporox wi 27 mil 800 chi raqan ichaj tiko’n rech marihuana ri k’o chik uwach uya’om. Eri rajil ri tiko’n xporox kumal reqa’lenel antinarcóticos ri’ k’o Q10 miilones 425 mil chi pwaqil rajil ri’.
Xuquje’ eri ajchajil tinamit xkiporoj 1 mil 380 raqan ichaj tiko’n rech coca ri wachininaq chik uwach ri’, eri rajil are Q13 mil 800 chi pwaqil ri’. Are la’ xporox pa le aldea Plan Grande, Gualán, Zacapa ri’.
Eri tzukuknem ri’ are la’ xb’antaj kumal ri wokajil ajchajil tinamit pa junab’ ri’, rumal ri’ xriqitajik xuquje’ xporoxik 1 millón 325 mil 713 rajilab’al chi ichaj tiko’n rech marihuana ri’, 7 millones 934 mil 861 rajilab’al chi ichaj tiko’n rech coca xuquje’ 667 mil 398 rajilab’al chi ichaj tiko’n rech amapola pa rulewal tinamit.