Pa martes ri’, eri Wokajil Ajchajil Tinamit (PNC) xukoj jun k’ak’ Subestación ri’ pa le 7ma. avenida 3-45 rech ri zona 2 rech San José Pinula, Guatemala ri’, are wa’ rech taqim kachajixik ri winaqilal chi la’ k’ut.
Eri q’atb’al tzij rech ri q’atb’al tzij rech ri tinamit ri’ are xuya jun wokomja rech kak’oji wi ri Subestación, rech k’o ke’il wi kechomax ri winaq ri’, ri winaqilal ri b’iw ub’ixik loq.
Eri wokomja xsipax ri’ are uwach ri cholchak ub’i’ Proyecto Policía Comunitario rech utaqim uq’atexik ri b’anoj k’ax xuquje’ rech kakub’isax kik’u’x ri winaqil chi ke ri e ajchajil tinamit ri’.
Pa le b’anonem ri’ xek’oji ri q’atb’al tzij, ri ajkalte rech chi la’ xuquje’ ri Ajchomanelab’ rech ri Agencia rech Cooperación Internacional rech Japón (JICA) ri’.
Jacha ri kub’ij ri rajtaqanel ri JICA, eri k’ak’ Subestación ri’ kaya chi re jun puq kemaltz’ib’ xuquje’ ri chakub’al rech kakoj pa le chakuja ri’ are uwach ri tob’anik sipan chakub’al chi ke ri 55 comisarías rech pa nimatinamit.