Eri Ministro rech Gobernación, David Napoleón Barrientos, xjuch’ pa 30 rech agosto ri’, jun cholchakunem rech tijonik ruk’ ri Nimatijob’al Francisco Marroquín (UFM), ri kub’an utzilem tijonik chi ke ri reqa’lenelab’ ri Wokajil Ajchajil Tinamit (PNC).
Eri cholb’al chakunem ri’ are la’ kak’oji pa reqele’n ri Facultad rech Estudios Políticos rech ri UFM xuquje’ uch’ob’om chik ke’uk’ul panoq ri puq ajtaqanel e oficiales rech ri PNC kuk’ ri e ajtijoxel rech ronojel q’ij pa waqib’ ik’. Ruk’ wa’ ri ch’ob’otal chak ri’, eri reqa’lenel chajin tinamit ketijoxik rech kakesaj jun maestría xuquje’ rech kaya’taj chi ke kakite’rnej uk’isik kakitoxik kib’.
Rumal ri’ eir Decano Santiago Fernández, xub’ij wa’ we cholchak ri’ are kamajtaj pa le waqib’ q’ij rech septiembre, chi la’ k’ut kakitijoj wi kib’ ri 30 oficiales chi rij taq b’anonem taqanemib’al pa jikomal pa tinamit winaqilal, pa choman taqanem pa tinamit, pa uch’ob’ik ri chomanik pa tinamitm, pa rilik ri rajwaxik pa rachib’alil rulewal tinamit xuquje’ rech pa nuk’ulemal kachomaxik ri winaqil e aj iximulew.
“Pa le k’isb’al oxib’ junab’ ri’ xeqatijoj ri’ e 120 chi oficiales e k’amal b’e taqanel rech ri Wokajil Ajchajil Amaq’ xuquje’ eri no’jim qumal pa jujun taq juanb’ keqatijoj ri’ e 60 chi oficiales rech ri wokaj ajchajil tinamit, keqatijoj ri’ e 30 che pa nik’ajil junab’”, xcha’.
Eri Taqawokajnel rech ri Ya’olchajinem pa Amaq’ sib’alaj xumaltyoxij chi ke ri q’atb’al tzij e k’amal b’e rech ri nimatijob’al ri’, rumal kakiya uchuq’ab’ ub’anik uwach ri Cholchak Tijonem rech ri B’anob’al rech ri Transformación Policial che ri taqom ub’anik rumal ri K’amal b’e Amaq’ Iximulew pa reqele’nib’al upatanik ri Ministerio rech Gobernación ri’ (Mingob).