Eri taqanel rech ri Unidad rech Expertaje rech ri Wokajil Ajchajil Tinamit (PNC), Otto Marroquín, xuya utzijol che pawe q’ij ri’, xmajtaj ri chakunem pa le uwuq chakuja rech solinik ch’ich’ pa San Marcos, ruk’ wa’ eri q’atb’al Tzij kitaqim ujachik uwach pa taq tinamit.
“Eri winaqil che ri rajwaxik kakita ub’anik we toq’ob’ chi ke rajwaxik are kakita ri’ pa le uwachwuj we chianim ruk’ ri Ley rech Simplificación rech Requisitos xuquje’ Trámites ri’, eri utzijolil ri expertaje ri’ are kataq b’i che ri rachoq’e ri ch’ich’ rech kumaj uta’ik pa le Superintendencia rech Administración Tributaria (SAT)” xcha’ ri Marroquín.
Pa le 31 rech agosto rech 2021 ri’, xmajta pa uq’ijol upatan ri Taqanem rech ri Simplificación rech Requisitos xuquje’ Trámites Administrativos (Decretos 5-2021 rech ri Nimawokjail Taqanib’al pa Amaq’il rech Iximulew, rech kub’an k’ax ta resaxik ri wujilal xuquje’ pa usaqilemal resaxik pa le uq’ab’ taq ri Organismo Ejecutivo ri’.
Pa le 4 rech agosto, xkoj ri chakuja pa Morales, Izabal, chi la’ xesolix wi e 15 chi ch’ich’ k’o ri xsolix chi ke ri k’o rumal k’o k’exom chi ke, rumal k’ut e k’i ri ch’ich’ e eleq’am ri’, ri k’exom kirajilab’al k’exom ri vin chi ke.
Kitzijol ri ch’ich’
Eri q’atb’al Tzij xkib’ij che kichapom kanoq e 104 chi ch’ich’ rumal k’o ri qas jarinaq chi ke, e k’o xk’ex che kiranch’ich, k’o xk’ex kichasis, k’o xe’elaq’xik.
Eri winaqil k’o ri kakita ri’ rajwaxik kakita ke’ok pa le uwachwuj le al link https://expertaje.pnc.gob.gt/public/ ri ya’tal wi ub’ixik ucholajil jas le ub’anik resaxik wari’.
Ri jachakub’al kesolixi wi ri ch’ich’ ri’:
Pa 13 avenida 13-36, Barrio Gerona, zona 1 uk’u’x nimatinmait.
Pa 8ª calle 0-143, zona 7 rech Xe’laju’.
Pa Calle el Hipódromo, Corral Chiquito, zona 8 rech Chinab’jul.
Pa 9ª calle 3-57, Barrio La Reforma, Zacapa ri’.
Pa Calzada Virgilio Rodríguez Macal, Barrio El Pijul, aldea Santa Elena rech Flores, Petén.
Pa Aldea Las Flores, kilómetro 248 rulewal Morales, Izabal ri’.