Are wa’ uwach ri ujipixik ub’anik uchak ri b’anoj tzukno’jchak ri’, rumal ri’ pa martes ri’ eri q’atb’al tzij rech ri Wokajil Ajchajil Tinamit (PNC) xkijaq uwach jun k’ak’ chakuja rech q’atenik ri K’ax Ch’ijom Chak chi ke Winaq ri’ pa tinamit Chiquimula.
Eri k’ak’ chakuja ri’ are kutaqij jun utzilaj ub’anik ri tzukno’jchak rech uq’atexik ri k’ax ch’ijom k’ax chi ke ri winaqil xuquje’ ri kiq’axenik winaq maj pa ucholaj saqil tane’. Pa le chakuja ri’ kechakun wi e lajuj chi tzukunelab’ chi rij q’atenik ri k’ax ri’.
Pa le ilib’anem xk’oji ri’ a Edis Fabián, Subdirector rech Investigación Criminal rech ri PNC, a Patrick Ventrell, Ajq’atel rech ri Negocios rech ri Embajada rech ri Estados Unidos pa Iximulew ri’ xuquje’ al Sandy Recinos, K’amol B’e Chomanem rech ri Secretaría rech Q’atenik Violencia Sexual Explotación xuquje’ K’ax Ch’ijom Chak (SVET) ri’.
Ruk’ ri k’ak’ chakuja ri’ kub’an oxib’ chi k’ak’ chakuja kojom chik pa we qatinamit; jun k’o nimatinamit ri’, jun chik pa Xe’laju’ xuquje’ chanim k’o jun chik pa Chiquimula ri’.
“Kajlajuj junab’ chik kintajin che uk’amik kib’e kenuchomaj ri puq sak’ajil ajchajinelab’ rech q’atenik ri nuk’molaj b’anol k’ax ri’ pa awalik ruk’ taq ri chakuja rech tzukno’jchak rech nimatinamit EE.UU.
Kinumaltyoxij che ri INL xuquje’ ch eri k’amal b’e nimatinamit rech Estados Unidos ruk’ ri utob’anik ri Investigación Criminal ri’” xcha’ ri Subdirector rech Investigación Criminal PNC ri’.
Rumal ri’ eri q’atb’al tzij xkib’ij che k’o jun nim tob’anik xkiya loq Sección rech Asuntos Antinarcóticos xuquje’ rech Upatanexik ri Taqanem (INL) rech ri Embajada rech ri Estados Unidos rech América xuquje’ ri SVET rumal xkiya loq juntir ri chakub’al kakoj pa taq le k’ak’ chakuja ri’ rech uq’atexik ri k’ax ch’ijom chak ruk’ ri nik’aj chik b’anoj k’ax pa tinamit.