Qaraj e k’o 25 chi winaqib’ ronojel q’ij ke’opan che uta’ik rech kasuk’ub’ax kitzijol pa le antecedentes policiales ri’ pa le Unidad rech ri Gabinete Criminalístico (Gacri) rech ri Wokajil Ajchajil Tinamit (PNC), ri maj rajil tojom tane’ xuquje’ are kanajtib’ jun ik’ kasuk’ub’ax wi.
Jacha ri kub’ij ri Taqanel rech ri Gacri, Edwein Leonel López Guzmán, wexa’ k’o jun tzijol tz’ilom pa le wujil antecedente ri’ rajwaxik keb’ uchomaxik kab’an ri’:
· Junam kib’i’ winaq: Are kusach kuwach kitzijol winaq ri’ we k’o jun chik winaq ub’anom k’ax xuquje’ we junam ub’i’ taq kaq’alajinik ruk’ ub’i’ jun chik winaq (rajwaxik kusuk’ub’a’ ri winaq ri’).
· Ri antecedente policial: Are ri’ ri k’ax b’anom jacha kub’ij le Código Penal ri’.
¿Jas ri usuk’ub’axik ri b’i’aj junam ruk’ jun chik?
Wexa kaq’alajinik chi k’o k’ax ub’anom le winaq pa le uwujil ri’, xa’ kajunumistaj ub’i’ ruk’ jun chik winaq rumal ri’ rajwaxik jewa’ usuk’ub’axik kub’ano:
· Ri winaq ri’ rajwaxik kab’e pa le Nimrachoch ri Gacri, k’o pa le 19 avenida 11-00, zona 6 rech uk’u’x nimatinamit.
· Rajwaxik reqam b’i uwujilal ub’i’ (DPI).
· Rajwaxik reqam b’i Uwujil rech Ralaxib’al are rech kab’an ri rilik uch’ob’ik rumal jun ajno’jchak chi rij ri retalil uwi’uq’ab’.
¿Jas le usuk’ub’axik ri wujil antecedente ri’?
We ri winaq ub’anom jun wene’ nik’aj chik k’ax, rajwaxik kuterenb’ej usuk’ub’axik ri’ we k’o ri umak ub’anom we utojom chik rech kachupisaxik, we chomatajinaq chik pa q’atb’al tzij ri’.
Nab’e ub’anik
Rajwaxik k’o pa uq’ijol utzijol ri winaq, are kub’an ri’ nab’e rech te k’u kutaq resaxik ri antecedentes policiales rech man kajunumistaj ta chik ub’ik ruk’ jun chik winaq.
Ukab’ ub’anik
Kutaq b’i jun wuj rech uta’ik che ri Taqanel rech ri Gabinete Criminalístico rech ri PNC, juch’um rumal ri winaq ajchoq’e ri wuj xuquje’ wene’ rumal ri ajtob’al rech, rajwaxik kukoj qas are retal rajilab’l rachoch kariqitaj wi ruk’ retal rajilab’al uch’aweb’al.
Rajwaxik kuk’ut rachib’al uwujilal ub’i’ (DPI) panik’aj ri wuj media carta ri’.
Rajwaxik kuk’ut uwujilal redh ralaxib’al k’a te resam.
Rajwaxik uwuj antecedentes penales (ri utz chik kukoj) ri k’a te resam ruk’ ri uwujil antecedentes policiales ri’.
Utzijob’elil umak ri winaq ub’anom tojotal chik
Rajwaxik ri wujil ya’tal rumal ri q’atb’al tzij xchoman rech, ri kub’ij che xchomataj pa le q’atb’al tzij ri’ man k’ot chik tojob’al chi rij.
Rajwaxik kilik: we chupisam chik ri umak ri’ (we k’isinaq chik uq’ij) rajwaxik ta chik kajach ri wujil ya’om rumal ri q’atb’al tzij.
Urox ub’anik
Rajwaxik kanuk’ ri wujilal ruk’ rachib’al (pa jun wujk’olib’al ruk’ jun utz uch’apib’alil) cholajisam ri’ jacha kub’ij pa le ukab’ ub’anik.
Are kajach ri’ pa uq’ijol chak pa le chakuja rachoch ri Gabinete Criminalístico, k’o pa le 19 avenida 11-00, zona 6 rech uk’u’x nimatinamit
Are katchomax pa uwaqxaq (8:00) kajb’al rech saqarib’al pa wuqlajuj (17:00) kajb’al rech qajib’al q’ij, pa juntir jun junab’ ri’. Jachin winaq karaj k’o kuta ucholajil ri’ rajwaxik kutaq apanoq utzijol b’a pa le WhatsApp: 3049 0140 ri’.