Xb’an jun nim cholb’inik ub’i’ desfile Cívico Escobar 2023 rech xb’an unimaq’ij nimatinamit rumal xutz’aqatisaj 202 ujunab’ utuke’lem rib’ pa uq’atanik we Iximulew ri’. Pa le nimaq’ij ka’yem ri’ xek’oji e 130 chi puqil e ajcholb’inelab’, k’o e ajpunsab’al, k’o e ajb’anol su’, e ajxajoj, kacholajisam kib’ pa 6 rech septiembre pa kub’alil joremal. .
Chi uwach ri Palacio Nacional pa uk’u’x nimatinamit, are la’ xilik kumal ri Rox Viceministro rech Q’ateb’al ri K’ax, Héctor Eduardo Mortes Alarcón kuk’ ri patanelab’ rech ri K’amoj B’e ketaqon pa Iximulew, xek’oji pa rilik ri nimacholb’inisanik.
Eri uwach ri nimaq’ij rech utuke’lemal we amaq’il ri’, eri ajchajinel ketajin pa tijob’enik pa le Academia rech ri wokaj ajchajil tinamit sib’alaj xech’olb’inik ruk’ ronojel kachuq’ab’ pa le Uk’u’x Nimatinamit rech Iximulew. Rumal xek’oji chi’ ruk’ wa’ xkiya uchuq’ab’ ri wokajil ajchajil tinamit pa le uq’ij tz’aqatisab’al ujunab’.
Eri e ajchajil tinamit sib’alaj xe’ach’ilan ri’ xuquje’ xechajin chi ke ri k’i taq puqil e ajcholb’ininem che ri xkimaj loq pa le Parque Jocotenango k’o pa le zona 2 rech uk’u’x nimatinamit k’a rech xe’opan k’a pa Nima’uxlanib’al pa Nimatinamit ri’ xuquje’ xk’is pa le 18 calle rech ri zona 1. Rumal xe’opan ri ajchajil tinamit chi’ maj jun b’anoj xk’ulmataj tane’, e chajim ri e ajtijoxel, e ajtijonel kuk’ ri kitat nan.
Xuquje’ chi rij ri cholb’ininem ri’ sib’alaj xechajin wi ri ajchajil tinamit xuquje’ k’o puqchajinem q’atenik xb’an ri’ rech uq’atexik taq ri b’anoj k’ax xuquje’ rech xkib’an jun utzilaj kachajixik ri winaqilal che ri xe’opan xkika’yej ri unimaq’ij ri amaq’il tinamit.