We kamik xb’antaj kowonem xeriqitajik xuquje’ xechapataj nik’aj winaq kib’i’ coyotes kuk’ keb’ ab’om ri xek’am b’i pa le K’olib’al ri Chajinem pa Komon Wokajil ri’ (PCI) xb’antaj kumal ri reqa’lenel ri Wokajil Chajinel rech Puertos, Aeropuertos xuquje’ Puestos Fronterizos (Dipafront) xuquje’ rumal ri’ Subdirección General rech Análisis rech Información Antinarcótica (SGAIA) k’o pa le kilómetro 44.4 nimab’e kab’e pa le Atlántico, pa juyub’alil rech Sanarate, El Progreso ri’.
Eri xechapik e are a Douglas Ortiz Barillas, 39 ujunab’, a Carlos Enrique Valenzuela Rodríguez, 36 ujunab’, a Luis Antonio Pec Guaján, 26 ujunab’, a Héctor Rafael Hernández Morales, 37 ujunab’, a Yordin Alexander López xuquje’ a Ángel Adolfo Guzmán de León, 30 kijunab’ ri keb’ winaq ri’. xuquje’ xechap keb’ e alaxik 17 kijunab’ ri xek’am b’i pa jun Q’atb’al tzij rech ke’uchomaj ri’.
Eri nik’aj winaq ri’ e are e b’enaq pa nik’aj ch’ich’ keqam ri placas rech circulación P-795JFY ri’, P-344FXD ri’, P-278KJJ r’, P-576GHZ ri’, P-749JWS ri’; P-621JMJ ri’, P-774DLQ ri’ xuquje’ ri P-526JNZ ri’, ri kiqam b’i 42 chi winaqil e ajq’axel ri’ rech taq ri nimatinamit Haití, África xuquje’ rech Ecuador ri’.
Are chi’ xilik ri kitzijolil xeq’alajinik maj kiwujilal tane’ keqam, rumal ri’ eri e ajchajil tinamit xkik’am b’i. Rech te k’u ri’ xeto’ik xuquje’ rech xek’am b’i pa rachoch ri Instituto Guatemalteco rech Migración (IGM) rech ke’uchomaj ri’.