Paq’ij we kamik, eri reqa’lenel ri Wokaj Ajchajinelab’ rech e Ajq’atenel taq ri Pandillas (Dipanda) ri’ rech ri Wokajil Ajchajil Tinamit (PNC) xuquje’ rumal ri Ministerio Público (MP), rumal e k’o xtaq kichapik rumal ri ajq’atol Tzij e k’o job’ chi winaqil xechapatajik rumal xkib’an toq’inik pwaq xuquje’ xkib’an k’ax chi ke ri ali ri ixoqib’, pa oxib’ taq tinamit rech we amaq’il.
Jun chi ke ri xechapik are ri a Claudia Esmeraldina Díaz García, 50 ujunab’, pa Xe’laju’ ri’, are kab’ixik xub’an k’ax toq’inik pwaq, pa 25 rech junio ri’ rech 2023.
Xuquje’ pa rulewal tinamit ri’, xchapataj wi jun achi ub’i’ a Edgar Gustavo López Morales, 33 ujunab’, are kab’ixik xub’an k’ax che ri ali, che ri ixoqib’, sib’alaj k’ax ri xub’an ri’, rumal ri’ xtaq uchapik pa le job’ q’ij rech septiembre rech pa junab’ ri’.
Rumal k’u ri’, pa nimatinamit Iximulew ri’ xchap wi ri al Claudia Lucrecia Guzmán Monterroso, 44 ujunab’ xuquje’ al Katherine Mayerly Urbina Delgado, 21 ujunab’, rumal xub’an k’ax toq’inik pwaq, rumal ri’ xtaq uchapik pa le 14 rech septiembre rech 2023.
Jeri’ eri reqa’lenel ri Dipanda pa tinamit Chiquimula, xuchap wi loq a José Armando López Landaverry, rumal xub’an k’ax toq’inik pwaq.
Rumal k’ut xkiya ub’ixik kumal ri winaqilal xb’antaj kowonem xechapataj k’ut nik’aj b’anol k’ax xkitij kikamisaxik ri winaqil e ajchak e aj iximulew ri’, rumal ri’ kab’ixik kaya utzijol b’a pa le 1574 rech antiextorsión xuquje’ pa le 110 rech PNC.