Eri Wokajil Ajchajil Tinamit (PNC), pa komon chajinem ruk’ ri Wokajil Ajchajil Amaq’ Iximulew eri komon chajinem tzukunik pa taq rulewal ujuyub’al ri San Marcos xuquje’ ri Chinab’jul, chi la’ tajin wi uwach ri q’atenik ri narcotráfico ri’, ri wokom molaj b’anol k’ax xuquje’ ri b’anoj k’ax pa taq nimatinamit rech uq’axexik ri awan jastaq kunab’alil.
Xuquje’ rech kab’an ri k’ub’al k’u’x taqanem pa tinamit, rech k’o pa ucholaj ri taqanem pa tinamit ri’ xuquje’ rech k’o ya’olchajinem ri winaqil ri’.
K’a pa le umajik ri ri b’anoj komon chajinem pa wokajilal ri’, eri tzukunem are tajim ub’anik rumal ri Subdirección General rech Análisis rech Información Antinarcótica (SGAIA), kumal ri Fuerzas Especiales rech Chajin Tinamit (FEP) rech ri PNC xuquje’ kumal ri fuerzas castrenses, k’o utob’anik chi ke rumal ri Unidad Aérea rech ri Ministerio rech Gobernación (Unagob), ri tajin kub’an chajinem pa kaqiq’ cho kaj pa taq ri juyub’al tinamit che kab’an wi ri k’ax ri’.
Eri Puestos rech Control Interinstitucional kojom ri’ chi la’ pa le calles, avenidas, pa taq nimab’e xuquje’ pa taq k’ulb’a’t juyub’ pa tinamit. Chi’ k’ut eri wokajil ajchajil tinamit ketzukun wi kechajin wi rech kakilo we man e k’ot winaq taqom kichapik xuquje’ we man e k’ot winaq keq’axik maj kiwujilal keqam.
Xuquje’ eri ajchajil tinamit kakikoj ri tob’chakub’al rech ketzukun pa taq ri ch’ich’, pa taq ri ch’ich’ rech rech ereb’al winaq xukquje’ pa taq ri ch’ich’ rech eqa’n keqam b’i. Ruk’ wa’ are taqim uq’atexik ri awan jastaq kunab’al, jastaq man saq ta rij upetib’al xuquje’ awan jastaq rech k’ayij ri qaraj xa’ k’amom loq pa tinamit ri’.
Eri K’amal B’e rech Iximulew ri’ pa reqele’n ri Ministerio rech Gobernación ri’ (Mingob) xuquje’ ri Ministerio rech ri Defensa Nacional (MDN), sib’alaj kib’anom kitik’ib’am ub’anik uwach ri utz chajinem pa komon wokajil rech uq’atexik taq ri wokom molaj kuwach e ajb’anol k’ax che ri kakib’an ri itzelal chi ke ri winaqilal pa tinamit.