Eri Ministro rech Gobernación (Mingob) pa uchakunik ri Wokajil Ajchajil Tinamit (PNC) ketajin che ri chajinem tzukunik pa taq le juyub’al rech San Marcos xuquje’ Chinab’jul, rech ketajin che kaq’atexik ri narcotráfico xuquje’ ri molaj b’anol k’ax ri’.
Eri taqim pa komon chajinem wokajil pa le k’ulb’a’t juyub’ ruk’ México are rech kub’sib’al kachajixik ri winaqilal ri’ rech kaq’atexik ri molaj b’anol k’ax pa rulewal ri tinamit aj iximulew.
Jacha ri kub’ij ri Ministro rech Gobernación, David Napoleón Barrientos, are chi’ xkoj ri chajinem tzukunik ri maj jun chik b’anoj k’ax xk’ulmataj tane’ rumal rii chajinem tajin kumal ri PNC kuk’ ri wokajil ajchajil amaq’ rech Iximulew.
Pa le ub’ixik ri’ xub’ij chi k’o Q100 mil chi pwaqil ri’, awan kunab’al xuquje’ k’aqb’alil, ruk’ nik’aj chik awan jastaq maj pa usaqil upetib’al ri’.
Jeri’ eri Taqawokajnel rech ri Ya’olchajinem pa Amaq’ xub’ij, we kamik man k’ot kokik loq ri narcotraficantes mexicanos pa qatinamit xuquje’ kiterenb’em ruk’ nik’aj chik chajinem tzukunik ri rajwaxik rech kakub’isax uwach ri chajinem winaqilal xuquje’ rech kaq’atexik taq ri nik’aj molaj b’anol k’ax ri’ pa rulewal qatinamit.
Eri cholchajinem ri’ are la’ xkoj pa le K’olib’alil rech Control Interinstitucional pa taq nimab’e, rech xta’ik kiwujil ri wiinaqil chi la’ rech xilik we man k’ot jun chi ke taqom uchapim tane’ xuquje’ rech kilik we k’o ri kiwujilal keqam rech keq’ax tane’ loq pa qatinamit. Are chajinem tajin rumal ri PNC, rumal ri Unidad Aérea rech ri Ministerio rech Gobernación (Unagob) ri xkib’an chajinem pa kaqiq’ cho kaj pa uwi taq ri k’ulb’a’t juyub’ pa amaq’il.