Rumal ri aninaqilem xk’utun ri’ pa 24 rech septiembre, eri reqa’lenel ri Comisaría 14 xuquje’ Wokaj Eqa’lenelab’ rech ri Reserva rech ri Wokajil Ajchajil Tinamit (PNC), xkimol kib’ pa ainaqil rech xeb’e pa le katzukuxik ri e 18 chi winaqilal xek’am b’i rumal ri tz’il nimaja’ rech ri Río Las Vacas, ri kok’ow chi uxe qas ri q’a’m El Naranjo, chi la’ k’ut ri k’o wi ri asentamiento “Dios es Fiel” pa le zona 7 rech ri uk’u’x nimatinamit.
Eri q’atb’al Tzij xkib’ij k’a pa oxib’ kajb’al rech ri nimaq’ab’ rech pa 25 rech septiembre ri’, eri Ministro rech Gobernación, David Napoleón Barrientos xuquje’ a Edwin Ardiano, K’amal B’e rech ri PNC, xkib’ij che xetaq b’i e 50 chi e ajchajil tinamit rech xeb’e pa tob’anem chi la’ ketob’anik pa le katzukuxik ri winaq xekamik e sachinaq chi la’ rumal xunimar ri nimaja, rumal ri nimajab’ xub’an paq’ij domingo ri’.
Eri rajtaqanel ri Comisaría 14, Carlos Fuentes, xub’ij che pa taq ri oxib’ kajb’al rech ri nimaq’ab’ pa lunes ri’, xetaq b’i ri ajchajinelab’ rech kechajin chi ke ri winaq xkiriq k’ax chi la’, “xaqajel qib’ pa taq 15 minutos rech xqak’ex qib’ che uk’otik ri ulew ruk’ pulub’al rech xtujtob’an chi la’ k’ut pa taq wajqataq kuwach ri’”.
Jeri’, xe’opan chi’ reqa’lenel ri Subdirección General rech Apoyo xuquje’ Logística rech ri PNC, ri keqam b’i palas ruk’ piochas rech xkimol kib’ rech xetob’an chi la’ kuk’ ri Bomberos Voluntarios, Municipales, xuquje’ kuk’ ri rajchaj ri Coordinadora Nacional rech Reducción rech Desastres (Conred), ri Cruz Roja Guatemalteca xuquje’ ri Wokaj Ajchajil Amaq’ rech Iximulew.
Eri winaqil xkib’ij, chi uchi’ ri nima’ keriqitaj wi jupuq chi kachoch wianq ri k’o xk’am b’i chi ke chi uchi’ ri tz’il nima’ xtorotaj b’i ri’.
We chanim ri q’atb’al Tzij xkib’ij che tajin e riqom chik e waqib’ chi winaq xekamik, e k’o ak’alab’ chi kuxo’l.