Pa 27 rech septiembre ri’ eri reqa’lenel ri Wokajil Ajchajil Tinamit (PNC) pa komonchak kuk’ ri reqa’lenel ri Insituto Guatemalteco rech Migración ri’ (IGM) xkib’an k’i puqchajinem tzukunik pa wokajilal pa taq ri kiq’axenik ri winaq Esquipulas, Chiquimula ri’, rech taqim kato’ik pa le kiq’axenik b’i pa Iximulew.
Pa le puqchajinem tzukunik ri’ eri reqa’lenel ri PNC kuk’ ri reqa’lenel ri migración xkilo xkito’o ri winaqil naj ri kapetik pa taq nimatinamit, rech kakikub’isaj rilik we kicholajisam ri kiwujilal keqam rech keq’ax b’i pa tinamit ri’ aj iximulew.
Pa le puqchajinem tzukunik pa wokajil xb’antaj ri’, eri q’atb’al tzij xkilo ri kitzijolil ri ri 165 chi winaqil naj kapetib’alil ri’ ri e k’o petinaq pa Venezuela, Ecuador, Colombia xuquje’ Haití. Are k’o nim uptanib’al rech ke’ilik keto’ik pa juntir ucholajil, xuquje’ rech kilik we nimam uwach ri ch’ojib’al ya’tal chi ke ri winaqilal ri’.
Eri PNC ruk’ ri IGM e are k’ut e ajilol kech ri winaq e ajq’axel pa kub’sib’al pa ucholajib’al ri’ pa rulewal qatinamit, rumal ri’ taqom ri kilik kachomaxik rumal ri K’amal B’e Amaq’ iximulew pa le uchakunik ri Ministerio rech Gobernación ri’ (Mingob) pa le kaq’atexik nik’aj b’anol k’ax che ri kakib’an ch’ijom k’ax chak chi ke winaq xuquje’ pa juntir uq’atexik ri b’anoj taq k’ax ri’.