Eri Ministro rech Gobernación, David Napoleón Barrientos Girón xk’oji pa le uch’ujik ri wujilal rech nuk’chomab’al kuk’ ri e waqib’ k’amal b’e rech taq wokajil che ri kechoman chi ke ri ixoqib’ che ri kiq’atam ub’e ri chakunem rch ri Centros rech Apoyo Integral rech Mujeres Sobrevivientes rech Violencia (CAIMUS). Eri taqim ruk’ wa’ are rech kachomaxik uya’ik upwaqil rech tojb’al uchak ri wokajil ri’.
Pa le b’anonem ri’ xk’oji wi ri Tercer Viceministro rech Prevención rech ri Violencia ri’, Héctor Morales Alarcón xuquje’ ri Quinta Viceministra rech Antinarcóticos, Dana Barillas Cubulco. Xk’oji chi’ ri Coordinador General rech ri Unidad rech ri Prevención Comunitaria rech ri Violencia (UPCV), David Prado Vásquez ri’ xuquje’ ri q’atb’al tzij rech ri moloj kech ixoqib’.
Eri taqawokajnel rech ri Ya’olchajinem pa Amaq’ sib’alaj xub’ij che ri taqom ub’anik ri k’amal b’e amaq’il Alejandro Giammazttei ri’ xub’ij k’ut che are usachik pa saqilal ukojik ri pwaqil rech utojb’a uchak patanil ri CAIMUS, ri kaya wi jun nim tob’anik chi ke ri ixoqib’ e k’aslik che ri kiriqom k’ax. “Are katoq’axik uchomaxik pa le Ministerio rech Finanzas Públicas (Minfin) rech kutaq uya’ik ri pwaqil ri’”, xcha’ ri nim patanel.
Rumal ri’ eri Viceministro Morales xub’ij che ri chakunem ri’ are la’ tajin ub’anik kumal taq ri wokajilal che ri kakiq’at uwach ri taq ri q’atb’al tzij ri’ rech kakiya jun nim tob’anik chi ke jujun taq ixoqib’ che ri kiriqom k’ax, rech tojob’al kakunaxik, rech kaya kina’ojil, rech ketijoxik rech k’o ri kakich’ob’ ub’anik ri’.
Eri K’amal B’e Amaq’ Iximulew ri’ ruk’ taq ri b’anonem ri’ kaq’alisax jun b’anoj utzilem chi ke ri e ajchak pa le uq’atexik ri k’ax chi ke ri achijab’ xuquje’ ixoqib’ pa rulewal qatinamit, rech kakub’isax uwach ri kik’aslemal ri ixoqib’ kiriqom k’ax ri’.