Eri Wokajil Ajchajil Tinamit ub’i’ (PNC) pa komonchak ruk’ ri Instituto Guatemalteco rech Migración (IGM) xuquje’ ruk’ ri Procuraduría General rech ri Amaq’il (PGN), iwir xkib’an k’i taq tzukunik pa le kilómetro 202, chi la’ pa rulewal tinamit rech Esquipulas, Chiquimula ri’, rech taqim ub’anik ri jun kub’al k’u’x kiq’axenik pa tinamit Iximulew.
Eri tzukunem ri’ are la’ xb’antaj kumal ri la División Especializada rech Investigación Criminal (DEIC) xuquje’ ri División rech Puertos, Aeropuertos xuquje’ Puestos Fronterizos (Dipafront) rech ri PNC, kuk’ ri rajchakunel ri migración, rech xesolin pa taq ri ch’ich’ rech ereb’al winaq e ajb’inisaxel rech xsolix kiwujilal ri winaqib’ xuquj’ rech uq’atexik ri b’anoj k’ax ri’.
Pa le komonchak kumal ri wokajil, xb’antaj usolixik kiwujil kitzijol ri winaqib’ naj ri kapetik pa uwachulew, jacha pa Venezuela, República Dominicana, Ecuador, Brasil, Perú, Argelia, Somalia, Nicaragua, Cuba xuquje’ Perú ri’. Eri puq winaq ri’ pa konojel e k’o 160 chi achijab’, 75 chi ixoqib’, ri 50 chi taq ak’alab’ xuquje’ 48 chi alaj taq ali.
Eri wokajil ajchajil tinamit ketajin che kato’ik ri rajchak ri migración, rech kakib’an utz kilik kachomaxik ri winaqil naj ri kapetib’alil che ri maj kiwujil keqam are chi’ keq’ax b’i pa chakuja rech IGM, rech kakicholajij resaxik kiwujilal.