Are taqim pa le kaq’atexik ri molaj b’anol k’ax pa le ya’olchajinem ri’ Plan Murallas 02-2023, kumal reqa’lenel ri Wokaj Ajchajinelab’ e Ajq’atenel ri Pandillas ri’ (Dipanda) rech ri Wokajil Ajchajil Tinamit (PNC) ri’.
Pa le junab’ ri’ e chapom chik 72 chi winaqib’ pa le okib’al taq ri japache’ tz’apib’al ri’ pa tinamit rumal xkib’an nik’aj k’ax ri’.
Eri Comisario Ángel Cambara, taqanel rech ri Dipanda, xub’ij che ri chajinem ri’ are utaqim kaq’atexik nik’aj pandillas ri’, “kojtajin che kaq’atexik nik’aj maras xuquje’ ri kawinaqil che ri kakib’an ri toq’inik pwaq xuquje’ kamisanik ri’chi saq che ri japache’ tz’apib’al ri’”.
Eri xechapik
Pa le nab’e q’ij rech octubre ri’, xb’an jun tzukunik chi ke ri winaqib’ pa le okib’al Rachoch ri Japache’ rech k’o Pavón, Iximulew, chi la’ k’ut xchap wi loq a Brianda América Escobar Flores, 33 ujunab’, rumal xub’an poq’isan pwaq meb’il maj k’ot pa usaqil ucholajil ri’.
Pa le b’anoj tzukunem ri’ xb’an chi uwach ri japache’ ub’i’ Cárcel Modelo kech Achijab’ rech Jutiapa, eri e ajchajil tinamit ri’ xkichap loq al Iris Fabiola Ordóñez Castañeda, 46 ujunab’, rumal xkib’an k’ax elaq’ chi re jun winaq ri xkib’ij ri’ che kakikamisaj.
Xtzukux pa le japache’ ri’
Pa le k’isb’al wuqq’ij kanoq eri reqa’lenel ri Dipanda, xb’an jun xusolij ri jastaq oqxa’nib’al ri’ xuquje’ xtzukuj kitzijol ri kachalal ri e tz’apil pa japache’ kech Achijab’ rech Jalapa ri’.
Xuquje’ e k’o 315 chi winaqib’ pa le okib’al pa le Rachoch ri Japache’ kech Achijab’ pa le zona 18 ri’.
Pa le rokib’al ri nimalaj japache’ tz’apib’al rech El Boquerón, pa Cuilapa, Santa Rosa, xuquje’ xetzukux kitzijol ri kachalal ri winaq e tz’apil pa le japache’ ri’.
Eri solinem ri’ pa amaq’el katajin ub’anik ri’ rech kaq’atexik ri jastaq ri ya’tal taj kokisax tane’ pa le japache’ ri’ kariqitaj chi la’.