Eri uwach ri b’anob’alil Transformación Policial ri’ pa le Cholchakunem rech Yakon Ja xuquje’ Uloq’ik Ch’ich’ ri’ e pa keb’ q’ij rech octubre ri’ xejach e 500 kejach’ich’ rech kekoj pa le ya’olchajinem kumal e ajchajil tinamit ri’. Eri b’anonem ri’ are la’ kab’an pa le Dirección General rech ri Wokajil Ajchajil Tinamit (PNC) ri’.
Pa le b’anonem ri’ xek’oji ri Ministro rech Gobernación David Napoleón Barrientos, rachi’l ri primer viceministro rech Seguridad, Carlos Franco Urzúa xuquje’ ri segundo viceministro Administrativo, Otto René Gómez, jeri’ ri Director General rech ri PNC Edwin Ardiano xuquje’ ri Taqanele rech ri wokajil ajchajil tinamit. Eri taqawokajnel rech ri Ya’olchajinem pa Amaq’, xub’ij che ri b’anonem ri’ are la’ rech kanimax ub’anik ri Transformación Policial ri’. Xub’ij k’ut are chi’ are jachom chik e 2500 chi kejach’ich’ xuquje’ are ch’ob’om chjik rech kejach na 500 chi kejach’ich’ ri’.
“Pa junab’ ri’ are katz’aqatisax 3 mil chi kejach’ich’ chi ke ri reqa’lenel ri comisarías ri’ rech are la’ kakikojo rech ke’ok pa taq k’ax b’e nimab’e ri’”, xcha’ ri Barrientos. Xuquje’ xejachik e 24 k’ak’ tob’chakub’al ri’ ub’i’ Credance Two, are ri’ rilob’al retal uwi’q’ab’aj pa taq ch’aweb’alil pa kaqiq’, are ri’ rech kuq’axaj kitzijol ri winaqib’ pa taq ya’olchajinem tzukunik. Eri tob’chakub’alil ri’ are la’ kaya ri’ chi ke ri comisarías rech ri Distrito Central ri’.
Eri K’amal B’e rech ri PNC, Edwin Ardiano, xub’ij eri kejach’ich’ ri’ are la’ kejach pa taq ri k’olib’alil rech ajchajil tinamit rech taq ri tinamit rech Iximulew xuquje’ Escuintla ri’.