Pawe q’ij 11 rech octubre pa rapapch’ich’ xk’am chowe kaj ri awan kunab’al xriqitaj iwir pa le 110 rajilab’al ri nimab’e ri xel loq k’a pa Puerto San José, Escuintla ri’. Are ri Unidad Aérea rech ri Ministerio rech Gobernación (Unagob) ri’ rech xk’am b’i pa nimatinamit.
Pa uterenb’exik rech xtzukuxik ri awan kunab’al petinaq loq pa jun nimajukub’ ecuatoriana ri xriqitaj pa uwi ri Palow Pacífico kumal ri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC).
Pa nimaq’ab’ kamik eri Unagob xk’am loq k’a Escuintla pa ri k’olib’al rech ri SGAIA, k’o pa zona 6 rech uk’u’x nimatinamit, waqib’ k’olib’al ruk’ 248 chi pisob’al ruk’ awan kunab’al ri’ ub’i’ cocaína, are wa’ 292 upajb’alil ri’ eri rajil are Q30 millones 591 chi pwaqil.
Eri reqa’lenel ri antinarcóticos, xkib’ij eri awan kunab’al xriqitajik ri’ rumal ri Instituto Nacional rech Ciencias Forenses rech Iximulew (INACIF) xuquje’ are ri kakiporoj na ri’.
Le uriqik ri’
Eri reqa’lenel Antinarcóticos pa komonchak ruk’ ri Wokajil Ajchajil Amaq’ Iximulew xuquje’ ruk’ ri Ministerio Público (MP) xkisolij jun nimajukub’ upetik Ecuador, ri b’inisam loq kumal nik’aj ecuatorianos a Evins Enrique González Borbor, 31 ujunab’ xuquje’ a Carlos Vicente Pin Menozcal, 44 ujunab’, ri kab’ixik xechapataj chi rij ri cocaína xriqitaj kuk’ ri’.
Eri nik’aj wnaqib’ ri’ e are xeq’atexik kumal ri q’atb’al tzij rech ri Comando Naval rech ri Pacífico ri’, ri kab’ixik e are xeq’atexik rech xmajtaj tzukno’jchak chi kij rumal ri awan kunab’al ri’.