Are uwach ri chak ri’ tajin ub’anim kumal ri wokajil ajchajil tinamit pa unimaxik ri cholchak ub’i’ Plan 33-2022, pa 16 rech octubre ri’, are chi’ eri reqa’lenel ri Centro Antipandillas Transnacional (CAT) rech ri Wokajil Ajchajil Tinamit (PNC) xkiya utzijol che pa le k’ulb’a’t juyub’ k’o chi uxo’l ri Melchor de Mencos, Petén xuquje’ Belice, keb’ pandilleros salvadoreños rech ri mara MS-13 ri’.
Kuk’ ri xechapik, e 45 chi winqil e chapom chik rin aj tinamit kapetik, rech kechomax ri’.
Eri q’atb’al tzij rech ri CAT rech keb’ nimatinamit ri’, xkich’ob’ kuwach nik’aj salvadoreños ri’ a Carlos Alcides Guerrero Guerrero alias “Pillin”, 43 ujunab’, integrante rech ri clica Mendeños Locos Salvatruchos (MLS) ri’.
Eri nik’aj winaq ri’ k’o keb’ kimaj kib’anom pa 16 rech agosto rech 2007 xuquje’ pa 26 rech octubre rech 2010; xuquje’ k’o elaq’ xkib’an pa 14 rech noviembre rech 2010.
Eri a Carlos David Beltrán Beltrán, alias “Charlie”, 29 ujunab’, uwinaqil ri clica Rosarios Locos Salvatruchos (RLS), alias “Charlie”, ri taqom uchapik rumal xub’an toq’inik pwaq ri’ pa 12 rech octubre rech 2001.
Kab’ixik eri nik’aj winaq ri’ maj kiwujil keqam xeriqitaj pa le achnimatinamit ri’, rumal ri’ xechapik xetaq loq pa Iximulew ri’ rech te k’u ri’ xejach pa kaq’ab’ ri wokajil ajchajil tinamit rech El Salvador pa le wokja La Ermita, Concepción Las Minas, Chiquimula.