Eri rajtaqanel ri Subdirección General rech Investigación Criminal (SGIC) rech ri Wokajil Ajchajil Tinamit (PNC), a Edis Fabián, xub’ij chi pa le nab’e q’ij rech enero pa le 15 rech octubre rech ri junab’ ri’, e k’o chik 37 mil 18 chi winaqib’ xkichap loq pa tinamit.
E nik’aj winaq xechap kumal reqa’lenel ri wokaj chajin tinamit kuwach ri SGIC ri’.xkiriq k’ut 1 mil 74 chi kejach’ich’ xuquje’ 707 chi ch’ich’ ri’, eri nik’aj winaq ri’ kab’ixik xkib’an elaq’ pa tinamit. Xuquje’ xkiriq 2 mil 585 chi k’aqb’alil.
Ri xkitoq’ij pwaq chi ke winaq
Eri a Fabián xub’ij, e k’o chik 34 chi molaj b’anol k’ax kekamisanik e chapom chik rumal xkitoq’ij pwaq chi ke ri e ajk’ayinelab’, chi ke e ajchoq’e ri ch’ich’ rech ereb’al winaq pa tinamit juntir; chi k’u ri’ e k’o 295 chi uwinaqil ri Mara Salvatrucha, rech ri Barrio 18 xuquje’ ri kikojom kib’ che elaq’omab’ xechapataj ri’.
Xuquje’, e k’o 255 e ajpache’ e are jun xeriqitajik e b’anol k’ax e uwinaqil ri maras ri’.
Rumal ri’ eri q’atb’al tzij xkib’ij chi ke ri winaqilal e aj iximulew rech chakib’ij b’a pa le 110 rech PNC, pa le 1561 rech Crime Stoppers, pa le 1574 rech antiextorsión.