Pa 30 rech octubre, e k’o keb’ chi winaqil e ajk’ayin awan kunab’al xetaq b’i pa japache’ naj kumal ri reqa’lenel ri Grupo rech Accción Rápida (GAR) rech ri Wokajil Ajchajil Tinamit (PNC) xuquje’ rumal ri’ la Dirección General rech ri Sistema Penitenciario (DGSP), xkik’am loq pa le Centro rech Detención Preventiva rech Achijab’ Mariscal Zavala, zona 17 uk’u’x nimatinamit k’a pa le Fuerza Aérea Guatemalteca (FAG), zona 13 ri’.
Eri nik’aj mexicanos ri’ xch’ob’ kuwach e are a Sergio Antonio Duarte Frías, 26 ujunab’ xuquje’ a Humberto Beltrán Cuen, 69 ujunab’, alias “Don Chino”, ri xejach b’i pa kaq’ab’ ri q’atb’al tzij rech ri Taqonib’al Chak rech Q’atebuj Awan Kunab’alil ub’i’ (DEA) rech Estados Unidos rech América, are chi’ xk’is kichapik loq pa tinamit ri’.
Eri Duarte Frías xchap pa le 17 rech marzo kanoq rumal ri Subdirección General rech Análisis rech Información Antinarcótica (SGAIA) rech ri PNC, pa le 1ª avenida xuquje’ 13 calle, zona 10 rech ri uk’u’x nimatinamit Iximulew. Eri jun winaq ri’ ar kab’ixik k’o awan kunab’alil xutaq b’i uk’ayixik pa Estados Unidos ri’ ri yujum ruk’ ri fentanilo, xuquje’ eri umak are ri poq’san pwaqil maj usaqil xuquje’ rumal xriqitaj ametralladoras ruk’.
Eri jun chik are ub’i’ kab’ixik “Don Chino” ri xchap chi rij uk’ayixik b’i 400 rajilab’al rech fentanilo rech xutaq b’i pa k’ayij chi la’ pa EE.UU. xuquje rumal xriqitaj nik’aj ametralladoras ruk’ xuquje’ rumal k’o uwach kuk’ ri e nuk’wokaj kamisanem. Rumal ri’ xchap loq pa le 18 rech marzo pa le 19 avenida 16-65, zona 10 rech ri uk’u’x nimatinamit.
Are k’o nim upatanib’al ub’ixik che ri jun a Duarte Frías, alias “Don Chino” ruk’ ri al Ana Gabriela Rubio Zea (ri xk’am b’i pa 20 rech julio rech pa junab’ ri’ pa japache’ naj) e are ri e nab’e xechap loq rech te k’u ri’ xetaq b’i rumal xkib’an k’ayin fentanilo pa rulewal tinamit. E are k’ut xtaq loq kichapik rumal ri nim q’atb’al tzij ub’i’ Corte Distrital rech ri Estados Unidos, rech ri Distrito Sur rech Nueva York ri’.