Eri Wokajil Ajchajil Tinamit (PNC) katajin che ya’olchajinem q’atenik ri’ rech kaq’atexik ri e ajb’anol ri k’ax, rumal ri’ xb’antaj kowonem xechapataj nik’aj ajb’anol ri k’ax xuquje’ xriqitaj awan kunab’al, k’aqb’alil, jastaq mab’il xuquje’ pwaqil k’olme’r ri’. eri ya’olchajinem q’atenik are la’ xkub’isaj uwach ri kato’ik ri kik’aslemal ri winaqilal xuquje’ ri meb’il jastaq ri winaqil, jeri’ xtik’ib’ ub’anik ri taqanem ri ucholalejil pa tinamit.

Eri Ministro rech Gobernación, Byron René Bor Illescas, sib’alaj xuya ub’ixik erik ri wokajil ajchajil tinamit ri’ sib’ala pa aninaqil xkimaj ri ya’olchajinem tzukunik pa rulewal tinamit amaq’il, are la’ e uya’om pa k’ax ri e ajchajil tinamit rumal  e k’o kiriqom k’aqanik chi ke kumal e ajb’anol keqam nimaq’ taq k’aqb’alil.

Ri puq e ajchajinelab’

Rumal wari’, eri Bor Illescas xutaq ub’ixik chi ke konojel ri comisarías rech rulewal tinamit, rech pa kawokajil e ajchajil tinamit rech kakikoj ri puq chakub’al rech kakito’o’ kib’ xuquje’ rech are rajwaxik kakikoj ri’, rech ruk’ ri’ kakitzalij kik’aqik nik’aj e ajb’anol ri k’ax pa le ya’olchajinem winaqil kakib’an pa tinamit.

K’a te ri’, pa Gualán, Zacapa, xechap wi e keb’ ajb’anol k’ax kib’i’ kab’ixik pandilleros ri xkib’an ri k’aqanik chi ke e keb’ ajchajinelab’ pa tinamit chi la’. Pa le jun b’anoj k’ax k’aqanik ri’ xk’am wi le Inspector Josué Alejandro Saloj Can xuquje’ ri xsakataj wi ri ajchajinelab’ ub’i’ Deris Egoelder Martínez Umaña, ri q’ij kamik tajin ukunaxik pa jun ja rech kunanem winaq.

Pa le uq’ijol upatanexik ri B’anob’alil ri Transformación Policial k’amom ub’e’al rumal ri K’amal B’e Amaq’ Iximulew, rumal xutaq uya’ik 10 millones chi ub’aq’ k’aqb’alil rech xetijoxik ri e ajtijoxel pa tijob’al kech pa rulewal tinamit. Xuquje’ rumal xuya 20 mil chi chalecos antibalas ri’, rech ke’uto’o ri kik’aslemalil ri e ajchajil tinamit pa le ya’olchajinem winaqil pa tinamit ri’.