Eri q’atb’al tzij rech ri Ministerio rech Gobernación (Mingob), ruk’ ri rech ri Ministerio rech Relaciones Exteriores (Minex) xuquje’ ri Wokajil Ajchajil Tinamit (PNC) katerenb’em ub’anik pa joremal kub’al k’u’x xuquje’ pa ucholalejil kokik ri k’ak’ k’amal b’e tinamit. Rumal ri’ eri taqawokajnelab’ kuk’ ri k’amal b’e rech taq wokajilal xkimol kib’ pa oxib’ q’ij rech noviembre ri’ pa le salón Menor rech ri Taqawokajnem rech Ya’olchajinem pa Amaq’ rech ub’anik ri utz ub’e’al ri q’axenik patan taqanem pa utzilem, chi rij taq ri chomanem rumal ri Mingob.
Eri Taqawokajnel rech ri Ya’olchajinem pa Amaq’ Buron René Bor Illescas, k’a te ri’ xkub’isaj ub’ixik ri qas reqele’n pa le taqawokajil ri’, are la’ rech kunuk’ uwach ronojel ri chakub’al rech ri k’ak’ k’amol ub’e tinamit ko’kik che upatan reqele’n. Xuquje’ xub’ij che pa xtzijoxik are la’ k’o nim upatanib’al pa le k’ak’ taqanem pa tinamit ruk’ ri rajwaxik kukojo rech kakowonik kuterenb’ej ub’anik ri uchak upatan k’a pa taq le q’ij ri’.
Xuquje’ eri Bor Illescas sib’alaj xub’ij che rajwaxik katz’aqix uwach ri B’anob’alil ri Transformación Policial ri’, ri are la’ qas kuya uchuq’ab’ ri chak chajinem q’atenik ri k’ax kakib’an ri e ajchajil tinamit, rech kuya’ori chajinem winaqilal pa le tinamit.
Ri nik’aj b’anoj ri’ are la’ uwach ri Ub’e’al ri Q’axeb’al Uwach Taqanem ub’i’ Transición 2023-2024, k’amatil ub’e’al rumal ri K’amal B’e rech Iximulew rech are utz che ri k’ak’ taqanem pa tinamit xuquje’ rech ya’el utzijob’elil rajwaxik pa amaq’il, rech chi rij uch’ob’ik b’anoj taq chakunem, puqachajinem tzukunik, q’atenik kumal taq ri wokajilal ri’.