Are taqixik uq’atexik taq ri k’aqanem pa rulewal qatinamit, pa 8 rech noviembre r’ xmajtaj ub’anik ri cholchajinem rech kanimaxik ub’anik ri Plan Operativo 44-2023 “B’anob’al Chainem Tzukunik rech Xq’atexik ri B’anoj K’ax ri’”, are q’atenik xk’am ub’e rumal ri K’amal B’e Amaq’ Iximulew pa reqele’n ri Ministerio rech Gobernación ri’, ri xmajtaj upatanexik rumal ri Wokajil Ajchajil Tinamit (PNC) ri’. Rumal wari’ xb’antaj kowonem xechapataj e 239 chi winaqilb’ rumal jalajoj ri k’ax xkib’an ri’.
Pa sábado 11 rech noviembre, eri Ministro rech Gobernación, Byron René Bor Illescas, ruk’ ri Subdirector General Adjunto rech ri PNC, Adal Najarro; ruk’ ri Subdirector rech Investigación Criminal, Edis Fabián, xuquje’ ri Rajtaqanel ri Unidad Aérea rech ri Ministerio rech Gobernación (Unagob), Héctor Prera ri’, rech xkib’an jun solinem pa jalajoj taq k’olib’em pa Escuintla ri’.
“Kojtajin k’ut che usolixik ri Plan Operativo 44-2023 rech xkib’an jun utzilaj kachajixik ri winaqil chi’ rech uq’atexik ri b’anoj k’ax chi’}2, xcha’r i Taqawokajnel rech ri Ya’olchajinem pa Amaq’, rumal ri’ xe’opan pa solinem pa le Comisaría 31 rech ri tinamit Escuintla ri’. xuquje’ xkib’an ri solinem pa kik’olib’al e ajchajil tinamit rech Tiquisate xuquje’ pa San José ri’. Eri q’atb’al tzij xkib’an jun solinem pa jun k’olib’al chajinem q’atenik pa le kilómetro 60 ri’, nimab’e kab’e pa Masagua. Jeri’ eri patanel ri’ xkb’ij che ri ya’olchajinem q’atenik kumal ri e ajchajil tinamit are kuya’o uchuq’ab’ ri e sak’ajil ajchajinelab’ ruk’ ri chalecos blindados xya chi ke rech kakikoj pa uq’atexik ri b’anoj k’ax k’aqanik.
Eri xechapik ruk’ ri xriqitaj ri’
Pa miércoles kanoq xechap ri’ e 100 chi winaqib’, k’o keb’ chi k’aqb’al xkriqitaj ri’ ri e eleq’am ri’ xuquje’ xeriqik e lajuj chi kejach’ich’ xuquje’ ri ch’ich kajib’a raqan keb’inisaxik.
Pa 9 rech noviembre ri’ e k’o 31 xechapik, k’o waqib’ chi k’aqb’al xriqik xuquje’ e k’o k’i taq ch’ich’ keb’inisaxik xeriq loq.
Eri ub’ixikil xya kumal ri PNC kub’ij ri’ che iwir k’ut e k’o 55 xechapik, k’o 8 chi k’aqb’alil xeriqik xuquje’ e k’o ch’ich’ xuquje’ kejach’ich’ xeriq ri’.
Pa sábado ri’ e k’o 53 chi winaqib’ xechapik, k’o kajib’ chi k’aqb’al xeriqik xuquje’ k’o kajib’ kejach’ich’ xeriqik ri kab’ixik xa’ e eleq’am b’i.
Eri b’iw b’ixik ri’ are xuya pa retal rech xeriq wi ri winaqil kakib’an ri k’ax, rumal ri’ are k’o nim upatanib’al rech kaya ub’ixik pa le 110 xuquje’ pa 1561 rech ri Wokajil Ajchajil Tinamit (PNC) ri’ wexa’ k’o ri k’ax kab’anik kawilo chab’ij loq.