Eri q’atb’al tzij rech ri Ministerio rech Gobenación (Mingob) xkimol kib’ pa 13 rech noviembre ri’ kuk’ e ajk’amal b’e rech ri chakuja rech ri Taqawokajnem ri’ xuquje’ kuk’ rajtaqanelab’ ri Wokajil Ajchajil Tinamit (PNC), rech xkitaj rilik ub’anik ri chak rech ya’olchajinem b’anom pa tinamit. Xuquje’ rech ya’ik uchuq’ab’ ri ya’olchajinem katajin pa tinamit ri taqom ub’anik ri K’amal B’e Amaq’ Iximulew pa reqele’nik ri Mingob pa uq’atexik ri narcotráfico, ri nuk’wokaj e b’anol k’ax kekamisanik ruk’ ri b’anoj k’ax kab’an pa taq nimatinamit pa uwachulew.
Pa le chakunem ri’, eri Taqawokajnel rech ri Ya’olchajnem pa Amaq’, Byron René Bor Illescas, ruk’ ri Quinta Viceministra rech Antinarcóticos, Dana Barillas, xkisolij ri chakunem b’anom ri’ rumal ri Unidad Aérea rech ri Ministerio rech Gobernación (Unagob) xuquje’ ri Unidad Especial Antinarcóticos (Unesa) ri’. Sib’alaj pa amaq’el tajin ketojoxik ri e ajchajil tinamit, rech b’a sib’alaj utz ukojik ri jupuq chi xik’ach’ich’ xuquje’ ri chajinem tzukunik e taqom che ub’anik.
Eri K’amal B’e rechr i Unagob, Héctor Prera xuya ub’ixik ri’ chi rij ri chak rech usuk’umaxik ri nimaja taq pa zona 13 rech uk’u’x nimatinamit. “Eri ya’olchajinem q’atenik ri’ are kuk’ub’isaj ub’anik ri puqchajinem tajin rumal ri chakuja ri’ rech pa ub’anik utzilem chi ke ri winaqilal xuquje’ pa le kub’al k’u’x pa tinamit”, xcha’.
Rumal ri’, eri Ministro Bor Illescas ruk’ ri Primer Viceministri rech Seguridad, Carlos Franco Urzúa, xkimol kib’ kuk’ rajqatanelab’ ri wokajil ajchajil tinamit, rech xkichomaj kakiya uchuq’ab’ ri ya’olchajinem ri’ xuquje’ ri cholchajinem kakib’an ri’ rech kachajixik ri winaqilal ruk’ kijastaq pa tinamit.
Jeri’, sib’alaj xkub’isaj ub’ixik eri q’atenem q’alenik ri jastaq maj pa usaqilal rech kaq’atexik ruk’ juntir ri b’anoj taq k’ax ri’.
Pa le riqb’al ib’ qas xb’an wi uchomaxik ub’anik ri puqchajinem q’atenik pa ronojel rulewal tinamit. Pawe q’ij ri’ eri PNC tajin che rilik chinaq winaq taqom kichapik rech kakichapo xuquje’ rech uq’atexik taq jastaq maj pa usaqilal. Xuquje’ tajin kakilo ri ch’ich’ e b’inisam we man k’ot eleq’am chi ke xuquje’ rech kakitoq’ij uk’amansaxik ri b’iw b’ixik kumal ri winaqilal, are la’ k’o nim upatanib’al kub’an pa q’atenik taq b’anoj k’ax.