Pa junab’ ri’, eri q’atb’al Tzij xkiq’alo xkipixab’ej ri winaqilal pa tinamit pa taq ri k’uttijonem tzijob’enik xkib’an pa rulewal qatinamit.
Pa le Uq’ijol pa Uwachulew rech ri Q’atenik ri B’anoj K’ax chi ke ri Ixoqib’, che ri kana’texik pa jujun taq 25 rech noviembre ri’, eri Subdirección General rech Prevención rech ri Delito (SGPD) rech ri Wokajil Ajchajil Tinamit (PNC), xkib’an k’iyalaj taq taq puqchajinem, k’uttijonem katijoxik ri winaqilal xuquje’ ri reqa’lenelab’ ri wokajil chajin tinamit rech utaqixik ri b’anoj taq k’ax che ri kab’an chi ke ri taq alai xuquje’ ri ixoqib’. Are la’ ya’olchajinem q’atenik xb’an pa ronojel rulewal qatinamit.
Le puede interesar: La PNC promueve prevención del delito en centros educativos
We q’ij ri’ are xk’utunik rech xunimaxik uloq’axik kuwach ri e alaxik Mirabal, ri oxib’ e ajtoq’inem Tzij rech República Dominicana che ri xekamisaxik pa 1960 rumal ri k’ax taqanem che ri xq’atan pa le tinamit pa taq ri q’ij ri’. Rumal ri’, eri Asamblea General rech ri Naciones Unidas xkib’an jun nim taqanik rech nuk’chomab’alil 54/134 el 17 rech diciembre rech 1999 ri’, pa le xya ub’ixik wi: “Eri b’anoj k’ax kilitzilib’ixik ri ixoqib’ are jun nimak’ax are man junam ta kuwach kub’an ri achi ruk’ ri ixoq”.
Ri unimaq’ij kab’an pa Iximulew ri’
Eri q’atb’al Tzij rech ri SGPD xkimaj ub’anik k’i uwach ri k’amq’ab’ kuk’ ri winaqilal xuquje’ rech xkitoq’ij uk’amansaxik ri b’iw b’ixik loq, are la’ uwach ri k’o pa le cholchak ub’i’ 01-2023: Rech Q’atenik ri B’anoj K’ax ri’; xuquje’ ri Plan 04-2023: Chomanem rech Runimal Tzij ub’i’ LGBTIQ+ xuquje’ ri Plan 25-2023: rech Q’atenik B’anoj K’ax chi ke Ixoqib’.
Xuquje’ eri taqanem rech nimab’alil ri’ 04-2023, ri Na’tib’alil Kiq’ijol ri Ixoqib’ pa Uwachulew; ri 11-2023, Foro Policial chi rij Kik’uttijoxik chi ke ri Ixoqib’; ri 18-2023, ri Na’tib’al Kiq’ijol ri Ixoqib’ Qawinaqib’ pa Uwachulew ri’.
E k’o 13 mil 691
Qawinaqilal xetijoxik chi rij nimantzij wari’.
Pa le upatanexik ri Nimacholchak rech Prevención Comunitaria ri’, eri SGDP e k’o 13 mil 691 chi winaqilal xe’utijoj chi rij rilik achk’ulajil xuquje’ chi kuwach ab’om achijab’, xuquje’ chi rj ri Taqanem rech Uq’atexik B’anoj K’ax chi ke Ixoqib’, ruk’ ri B’anoj K’ax Chak chi ke Winaqib’ ri’; rech Katzukuxik pa Aninaqil ri ixoqib’ ri’; xuquje’ chi rij ri Taqanem rech Maj B’anoj K’ax Kikamisaxik ri Ixoqib’ xuquje’ ruk’ juntir nik’aj chik k’ax ri’.
Eri subdirector General rech Q’atenel ri K’ax ri’, Néstor Diéguez, xub’ij k’ut “jacha ri Wokajil Ajchajil Tinamit kuwa’lijsaj uwach ri eqele’n Tzij ri’ rech q’atenik ri k’ax chi ke ri ixoqib’ ri taq alitom ri’, ruk’ wa’ are kakub’isax uloq’axik unimaxik ri ya’talil chi ke ri’”.
Le puede interesar: Policías fomentan la prevención del delito y la cultura de denuncia en centros educativos
Eri q’atb’al Tzij xkib’ij che b’anom chik 9 mil 088 ya’ltzijonem ri’ chi rij uq’atexik ri b’anoj k’ax ch’ijom chak chi ke ri winaqib’, xuquje’ uwa’lisaxik uwach ri Alerta Isabel-Claudina, rech q’atenik ri k’ax chi ke ri ixoqib’ xuquje’ chi rij uq’atexik b’anoj elaq’ xuquje’ keleq’axik ch’ich’ ri keb’inisaxik. Jeri’ xetijoxik ri reqa’lenel ajchajil tinamit chi rij taq ri jalajoj uwach k’axk’olil k’o pa tinamit che ri kub’an k’ax chi ke ri ixoqib’, ri taq alitom, ri taq ab’om xuquje’ chi ke ri e q’apojilal pa ronojel uwach qatinamit.