Pa jun ya’ltzijolinem ri’ le xk’am ub’e rumal le Subdirector General rech Investigación Criminal rech ri Wokajil Ajchajil Tinamit (PNC), Edis Jiménez y Jiménez, xb’an ujachik ri ub’ixikil cholchajinem tzukunik b’anom rumal ri “Plan Halcón”. Xuquje’ xek’oji chi’ ri Auxiliar Fiscal rech ri Fiscalía contra Secuestros rech ri MP, Eugenia Rosales Vásquez ri’. xuquje’ are jun xk’oji k’a pe uwachwuj ub’i’ virtual le Fiscal Rajawtzij rech ri Fiscalía Ajq’atenel Secuestros, Freddy Santos Rosales ri’.
Eri Subdirector General rech Investigación Criminal rech ri PNC, xub’ij ri’ che we q’ij kimik xto’ik uwach kik’aslemalil ri tzukunelab’ e chapom b’i, k’a pa le 25 rech septiembre ri’, pa Tajumulco, San Marcos ri’. “Are xb’an qas uch’ob’ik rilik ri k’ax ri’ rech xtaqix jun q’ij xe’opan chi la’, ri xkiriq wi ri winaqib’ e yutum chi la’, e utz e k’aslik xeriq loq. Rech te k’u ri’ xek’am b’i pa San Marcos rech xechajixik xeto’ik”, xcha’.
Rumal ri’ eri Fiscal Regional Metropolitano rech ri MP, pa komon xechakunik kuk’ ri Comando Antisecuestros rech ri PNC xuquje’ ri Fiscalía contra Secuestros, rech xeb’e che katzukuxik keriqik kesaxik loq pa k’ax ri e ajchak e chapom b’i, are chi’ xterenb’ex jun b’iw b’ixik loq rumal tajin keleq’ax ri k’amsaqilal chi la’ ub’i’ energía eléctrica pa ri tinamit ri’. Ri Jiménez xub’ij chi k’o nim upatanib’al ri komon chakunem pa wokajilal ri’ are la’ xuya’ pa retalil jun utzilaj tzukunik xb’an ri’ xuquje’ rumal ri’ tajin uterenb’exik ri tzukno’jchak chi la’ rech kechap nik’aj ajb’anol k’ax ri’.
Eri loq’ choltzukunem ri’ “Plan Halcón” sib’alaj kuya nim upatanib’al ri komon chakunem ri’ kumal ri wokajil ajchajil tinamit rech ri ya’olchajinem winaqilal pa tinamit ri’ xuquje’ rech keq’atexik ri nik’aj molaj b’anol k’ax pa rulewal qatinamit.