Eri Ukab’ Riqb’al ib’ rech ri Comité rech Coordinación Conjunta (CCC) rech ri Proyecto Policía Comunitaria Fase II k’amatil ub’e rumal ri Primer Viceministro rech Seguridad rech ri Ministerio rech Gobernación (Mingob), Carlos Franco Urzúa ri’, rumal ri Embajador rech Brasil pa Iximulewal ri’, rumal ri Henrique Sardinha Pinto ri’ xuquje’ rumal ri Representante Residente rech ri Agencia rech Cooperación Internacional rech ri Japón (JICA), Ken Kubokura ri’.
Xuquje’ xek’oji pa le riqonem ri’ eri Director General rech ri Wokajil Ajchajil Tinamit (PNC), Adal Amilton Rodríguez Najarro ri’, ri Director General Adjunto rech ri PNC, ri David Estuardo Custodio Boteo xuquje’ rajtaqanel e ajchajil tinamit, jeri’ xk’oji rajchomanel ri JICA xuquje’ ri Embajador rech Brasil kuk’ ri e ajpatan e sikim ri’. eri riqonem ri’ are la’ xb’an pa 30 rech noviembre pa le Salón Mayor rech ri Taqawokajnel Ya’olchajinem ri’, pa zona 1 pa uk’u’x nimatinamit.
Eri Viceministro Franco Urzúa sib’alaj xuya ub’ixik ri chakum ri’, sib’alaj xutzijob’ej che tajin ya’ik uchuq’ab’ ri eta’mab’alil rech b’anob’al kichak ri reqa’lenel ri PNC pa le q’inomal ch’ob’onik rech Policía Comunitaria ri’.
Xuquje’ xuya nimalaj ub’ixik che ruk’ ri riqonem chomanik ri’ k’o jun utzilaj k’amq’ab’ b’anoj chak xb’an kumal ri wokaj ajchajinelab’ pa komonchak kuk’ ri winaqilal ri’, rech katob’anik pa le uq’atexik ri b’anoj k’ax ri’ xuquje’ rech uwa’lijsaxik uwach ri b’antajil ri uk’amansaxik ub’ixik ri’.
Jeri’ ri patanel xub’ij che ri b’anoj tijonem ri’ are la’ katob’anik pa le ub’anik runimal cholchak rech Tijonem rech ri ub’anonik ri Transformación Policial ri’, ri xk’am ub’e rumal ri K’amal B’e Amaq’ Iximulewal ri’ pa le uchakunik ri Taqawokajnem ri’. “Eri tijonem are kutor ub’e rech ketijoxik ri e ajchajil tinamit rech utz ya’olchajinem winaqilal kakib’an ri’”, xcha’.
Rumal ri’ eri Representante Residente rech JICA, xub’ij che pawe riqonem b’anoj chomanik ri’ xchomaxik b’anoj komonchak ri’, rech k’o utzilaj kachakux uwach ri’ pa le ukab’ uwach ri ch’ob’oltal chak ri’. Xuquje’ xub’ij chewe b’anoj chak are uwach ri nim tob’anik loq xb’an kumal ri e oxib’ taq nimatinamit ri’ kumal Iximulew, Japón xuquje’ Brasil ri’.
Eri uwach taq ri chakum ri’ are ri katijoxik ri e ajchajil tinamit, xuquje’ ri ujachik taq kejach’ich’ ri’, ri puq tob’chakub’al xuquje’ ri k’utb’e b’anonem ri’, ruk’ ri uk’ak’arsaxik uwach pa tinamit ri’ jeri’ ri keriqitajik pa juntir rulewal qatinamit.
Eri tijowchuq’ab’ ri’ are katob’anik rech kuya uchuq’ab’ ri ya’olchajinem winaqilal xuquje’ rech uwa’lijsaxik ri tob’anik chajinem kumal ri ajchajil tinamit kuk’ ri winaqilal ri’.