Pa le q’ij nab’e qaj chi uwach ri nimaq’ij rech Ralaxib’al K’ajolaxel xuquje’ ri K’ak’ Junab’ ri’, eri reqa’lenelab’ rech ri comisarías xuquje’ ri chakuja rajwaxik rech ri Wokajil Ajchajil Tinamit (PNC) ri keriqitaj pa juntir rulewal qatinamit xkimaj ub’anik ri ya’olchajinem tzukunik rech uq’atexik taq k’ax ri’ are wa’ uwach ri cholchajinem tzukunik tajin ub’anik rumal ri K’amal B’e Iximulew pa reqele’nib’al ri Ministerio rech Gobernación (Mingob) ri’. eri b’anoj taq chajinem ri’ are la’ utaqim kato’ik ri winaqilal rech qatinamit kuk’ ri winaq naj kepe wiri’ pawe q’ij ri’.
Eri wokajil ajchajil tinamit xkib’inisaj ub’anik ri ya’olchajinem winaqilal xuquje’ chi rij taq kejach’ich’ pa taq ri k’olib’al ri qas k’ax keriqitaj wi xuquje’ k’o ri wi runimal taq b’anoj k’ax pa qatinamit. Tajin b’a nimchajinem pa taq k’olib’alil che keriqitaj wi ri rachoch pwaqb’al ja k’olme’r, ri uwach uxulanib’al, pa taq k’ayib’al, ri keriqitaj wi cajeros automáticos, nima’q taq rachoch k’ayib’alil xuquje’ ri ketak’ab’ wi ri ch’ich’ rech ereb’al winaq, chi la’ che ri qas keloq’owik wi ri winaqilal pa k’isb’al taq q’ij rech pa junab’ ri’.
Pa le k’olib’alil winaqib’ xuquje’ pa taq ri nimab’e rech pa rulewal qatinamit aj iximulewal, kojom wi k’olib’al taq chajinem tzukunik, chi la’ k’ut keriqitaj wi ri ajchajil tinamit rech are kakilo we man k’ot winaq taqom kichapik xuquje’ pa taq ri k’olib’al che ri qas kaq’axexik jastaq pa awalik rech kub’an k’ax che ri kik’aslemal winaqilal, rech kechajixik ri kijastaqil pa tinamit. Xuquje’ tajin kakisolij upam taq ri ch’ich’ keb’inisax, ri kejach’ich’ ri ch’ich’ rech ereb’al winaq xuquje’ ri ch’ich’ kewa’kat pa tinamit, rech kilik we man elaq’ kab’an ri’.
Xuquje’ eri Departamento rech Tránsito rech ri PNC kusolij we kanimaxik ri taqom ub’anik, rech qas kakilo we keqam kiwujilal ri e ajb’inisal ch’ich’, rech kakilo we kakiya uwi kakib’inisaj ri ch’ich’ xuquje’ rech kakilo we man k’ot tzam katijom ri e ajb’inisal ch’ich’ eren ereqam winaq ri’. xuquje’ are kakilo we katitz’om ta b’i winaq pa taq le ch’ich’ pa tinamit, rech keq’atenik ri winaq rech kaninimaj ri taqanem rech b’ininem pa taq nimab’e xuquje’ rech maj jun kuriq tane’ k’ax pa taq ri nimab’e.
K’a te ri’, xmajtaj ub’anik nimalaj chajinem winaqilal pa nimatinamit rech Iximulew. Eri wokajil ajchajil tinamit ri’ xya nik’aj kejach’ich’ rajib’ raqan ruk’ kejach’ich’ ri’, rech kuya uchuq’ab’ uterenb’exik ri puqchajinem ri’. Eri b’anoj chajinem taqom ri’ are la’ kukub’isaj uwach kachajixik ri wianqilal che ri kewa’katik pa le je’lalaj nimab’e k’olib’al ub’i’ Paseo rech La Sexta ri’.
Eri q’atb’al tzij xkib’an jun kasik’ixik ri winaqilal rech kakib’ij utzijol taq ri k’ax kab’an chi ke pa le ch’aweb’alil 110 rech ri PNC xuquje’ pa le 1561 rech Crim Stoppers.