Are taqim uk’amik b’i ri ya’olchajinem winaqilal kumal ri Wokajil Ajchajil Tinamit (PNC) ri’, pa nab’e q’ij rech diciembre ri’, xjaq uwach uchak ri uwaqxaq chakuja uq’ab’ ri Unidad de Expertaje, pa le otificación Gualón 8009 zona 11, Cobán, Alta Verapaz ri’. Eri b’anonem ri’ xk’am ub’e rumal ri Tercer Viceministro rech Q’ateb’al K’ax, Héctor Morales Alarcón ri’. Xuquje’, xk’oji chi’ ri Subdirector General rech Investigación Criminal (SGIC), Edis Fabián ri’ xuquje’ ri q’atb’al tzij rech pa tinamit ri’.
Ruk’ ri k’ak’ chakuja ri’ eri winaqilal kakaj kiwuj ri’ man rajwaxik ta chik keb’e pa nimatinamit rech Iximulew xuquje’ Zacapa ri’ rech kakesaj ri kiwuj ri’. xuquje’ are wa’ kuya jun nim tob’anik chi ke ri winaqilal rech Baja Verapaz xuquje’ ri uq’ab’ taq tinamit e k’o apanoq. Eri e ajsilonel ri’ k’o 30 chi ch’ich’ kakisolij pa ronojel taq q’ij ri’.
Pa le riqonem ri’, eri Viceministro Morales, xub’ij k’ut chewe upatan ri chakuja ri’ rech kuya’o jun nim tob’anik chi ke ri winaqilal. “Jachin kakaj kakiloq’ jun k’ich’ich’ kakib’inisaj ke’opan b’a pa le Unidad de Expertaje ri’ rech kakub’isax usolixik ri ch’ich’ kumal ri e ajsolinel taq rech”.
Eri Subdirector rech ri SGIC xub’ij che katajin ujachik uwach ri chakunem rumal ri expertaje kech ch’ich’ keb’inisaxik xuquje’ ri kejach’ich’, “eri tzukunelab’ kuk’ ri e ajsolin taq ch’ich’ ri’ xetijox ri e are rech kakib’an jun utzilaj chakunem ri’ are chi’ ke’opan ri winaq ri’”.
Xuquje’ eri q’atb’al tzij xkib’ij che pa le 2023 ri’, e k’o chik 168 chi ch’ich’ ruk’ kejach’ich’ e riqom. Eri winaqil rech taq le juyub’ tinamit ri’ wexa’ kakaj kakita rech kasolix ri kich’ich’ kakib’inisaj, ke’ok b’a pa le uwachwuj expertaje.pnc.gob.gt.
We kimik eri Chakuja Unidad ri’ k’o chik pa Iximulew, pa Xe’laju’, pa Chinab’jul, pa Zacapa, pa Petén, pa Izabal, pa San Marcos xuquje’ pa Alta Verapaz ri’.