Pa junab’ rech ri 2023 ri’, eri reqa’lenel ri Wokajil Ajchajil Tinamit (PNC) keriqitaj pa le Q’atchakuja ub’i’ Modelo rech Atención Integral chi ke Ixoqib’ B’anom K’ax chi ke ub’i’ (MAIMI) che ri k’o pa le 11 avenida A 11-47, colonia La Verbena, zona 7 uk’u’x nimatinamit, k’o 6 mil 900 rajilab’al ya’olchajinem kib’anom ri’, ri xtaq ub’anik rumal taq ri q’atb’al tzij che ri keriqitaj chi la’ pa le q’atchakuja ri’.
Eri Oficial, al Dora Tizol, ajchajinel k’o pa le Oficina rech Atención chi ke Víctima pa MAIMI, xub’ij che ri kipatan ri’ are rech kakichap ri winaq pa taq ri q’atb’al tzij ri’, che ri kakib’an k’ax chi ke ixoqib’ pa kachoch. “Rumal ri’ k’o 25 ximontzij taqom ub’anik uchomaxik pa le Oficina rech Atención rech Víctima xuquje’ pa junab’ ri’ k’o chik 6 mil 900 chi tob’anik kib’anom chi ke taq ixoqib’ che ri kitam resaxik b’i kijastaq pa taq kachoch, rech kakikuch kakito’ rij ri taj kal”, xcha’.
Are chi’ ke’opan pa jun ja k’olib’al winaq, eri oficiales ri’ are kakinimaj tzij rech kechajin ri’, rumal k’ut e k’o ri ajch’ayonel b’anol k’ax kakik’ulaj chi la’ ri chajinem taqom ub’anik rumal ri taq ri q’atol tzij rech e ajchomal kech.
Eri MAIMI are ri’ jun q’atb’al tzij rech kub’an ilonem chomanik pa aninaqil rech pa utzilem kechomataj ri ixqoib’ b’anom k’ax chi ke, pa le kemonchak kumal ri wokajil ajchajil tinamit rech maj jun kuriq tane’ k’ax xuquje’ rech utz kel ri tzukno’jchak chi rij wari’.