E k’o 43 mil chi reqa’lenel ri Wokajil Ajchajil Tinamit (PNC) sib’alaj ketajin che ya’olchajinem pa k’olib’em pa nimaitnamit Iximulew. Are rumal ri pwaq ub’i’ aguinaldo katojik xuquje’ rumal ri nimaq’ij rech pa k’isb’al junab’ ri’, rumal ri’ xchomirik ri ya’olchajinem chi rij taq ri ja k’olme’r ub’i’ agencias bancarias, pa taq kuxlanib’al winaq, pa taq rachoch nim k’ayib’al, pa taq cajeros automáticos, pa taq kitak’alib’al ch’ich’ rech ereb’al winaq xuquje’ pa taq nik’aj chik kopanib’al winaq ri’.
Eri Ajtzijolinel rech ri PNC, Edwin Monroy, xuya ub’ixik chi ke ri winaq tinamit rech kakeqaj ta chomapwaq, rech xaq k’o makititz’o wi kib’ xuquje’ rech kakichajij kib’ we kakesaj pwaq pa taq ch’ich’ rech k’olib’al pwaq ub’i’ cajeros automáticos. Eri la’ rech majun kuriq k’ax elaq’ kumal b’anol k’ax.
Xuquje’, rajwaxik kakib’an kuwenta we kech’aw pa kich’aweb’al, are chi’ ke’ok pa banca virtual rech kakiq’axe’j b’i pwaq ri’ xuquje’ pa amaq’el b’a qas chakila we kakikot ri kitarjetas rech crédito xuquje’ rech débito are chi’ kelaq’owik, rumal k’ut are wa’ qas kakil ri e ajb’anol k’ax.
Rumal ri’ sib’alaj kek’oji pa ya’olchajinem rei ajchajil tinamit ri’ pa le ub’inisaxik uwach ri ya’olchajinem winaqil xuquje’ ri puqchajinem chi rij taq kejach’ich’ pa taq ri nimaq’ij rech pa k’isb’al junab’, rech ketob’anik pa chajinem winaqil pa taq ri nimaq’ij rech pa kub’al k’u’x joremal kek’oji ri winaqib’ pa tinamit.
Xuquje’ kojom ri wa’lib’al ya’ltzijol ub’i’ stands pa le Paseo rech la Secta, zona 1 rech uk’u’x nimatinamit, ch eri kechajin wi ri e ajchajil tinamit pa taq ri nimaq’ij kuk’ ri’ winaqil, jeri’ pa le ujachik ri wuj rech ya’ltzijolil ri’ rech kab’ix chi ke ri winaqil rech makixe’j kib’, wexa’ k’o kakiya ub’ixik pa le 110 rech ri PNC xuquje’ pa le 1561 rech Crime Stoppers rech chakiya b’a ub’ixik we kakilo e k’o e ajb’anol k’ax chi ke.