Sib’alaj tajin kapixb’exik ri winaqib’ rech chak’aman chi ke kakiya loq kitzijol ri e ajb’anol k’ax, ri e ajtoq’il pwaq, ri e ajk’ayin awan jastaq rech kaq’atexik, are tzijob’enik xb’an pa le 11 rech diciembre ri’, pa le jun wa’lib’al ya’ltzijol ub’i’ stand xb’an pa le Paseo rech La Sexta, zona 1 uk’u’x nimatinamit, chi la’ k’ut keriqitaj wi ri reqa’lenel ri Subdirecciones rech Q’ateb’al ri K’ax ub’i’ (SGPD) rech Análisis Información Antinarcótica (SGAIA) ri’, rech ri División Especializada rech Investigación Criminal ub’i’ (DEIC) xuquje’ rech ri Wokajil Ajchajinelab’ rech Qateb’al taq Pandillas ub’i’ (Dipanda) ri’ rech ri Wokajil Ajchajil Tinamit ub’i’ (PNC), k’o wuj rech ya’oltzijolil ruk’ tzijob’elil xkijach chi kuwach ri ak’alab’.
Xuquje’ xya utzijoxik ri chajinem tajin ruk’ utob’anik ri Tercer Vicedespacho rech ri Ministerio rech Gobernación (Mingob) pa reqele’n ri Unidad rech Achk’ulajil, K’ib’antajil, kech Ab’om Alitom kuk’ Ak’alab’, ri tajin kakiya uchuq’ab’ ri tzijob’enik kumal ri wokajil ajchajil tinamit kuk’ ri winaqilal rech keq’alik rech q’atenik ri b’anoj k’ax pa kachoch winaq xuquje’ pa nik’aj chik k’olib’em pa tinamit.
Eri wuj rech ya’ltzijol are kutzijoj uq’atexik ri k’ax ub’i’ violencia sexual, chi ke ri ak’alab’il, q’apojil xuquje’ ri’j winaq, xuquje’ kachap ri’ ri winaq kub’an k’ax pa uwachwuj ub’i’ redes sociales xuquje’ ri kub’an pornografía infantil, ruk’ nik’aj chik k’ax.
Eri reqa’lenel ri Dipanda, are xujach ri ya’ltzijol chi ke ri winaqib’ e aj iximulew ri rajilab’al ch’aweb’al rech b’iw b’ixik toq’inik pwaq kab’anik, xuquje’ chi la’ k’ut kakib’ij wi apanoq we k’o ri b’anoj k’ax kakilo kab’anik.
Eri tzukunelab’ rech ri DEIC, xkiya utzijolil chi k’o jun uchakuja rech tzukno’jchak kaq’atex wi b’anoj k’ax chi ke ixoqib’, chi ke ak’alab’ xuquje’ e q’apojil jeri’ chi ke ri winaq kekoj pa kp’ax ch’ijom chak. Eri ch’aweb’al kakib’ij wi loq are ri’ pa le 5991-2579; 5112-6380 xuquje’ 4201-7976 ri’.
Pa taq ri q’ij ri’ eri ajno’jchakunel rech ri SGAIA, xetzijon kuk’ ri ak’alab’, taq ala, taq ali xuquje’ kuk’ ri’j winaq chi rij ri k’ax ri itzelal kub’an ri awan kunab’al chi ke we kakitijo, kub’an k’ax chi ke kich’akul. Xuquje’ k’o wuj rech ya’oltzijolil chi rij taq ri k’ax xuquje’ ri tojb’al kimak ri ajb’anol k’ax ri’ we k’o awan kunab’al kakiriq taj kuk’, we k’o kakik’ayij ri’.