Eri reqa’lenelab’ ri Comisaría 16 rech ri Wokajil Ajchajil tinamit (PNC) xkichap keb’ chi pandilleros kab’ixik keqam b’i k’aqb’alil pa jun ch’ich’ camioneta reqam ri placas rech kab’inisaxik P-037KFM ri’. E are ri’ xechap pa le kajib’ q’ij rech enero, pa le kilómetro 18 rech nimab’e Interamericana, pa Mixco, rech nimatinamit Iximulew.
Eri xechapik e are ri’ a Gerardo Andrés Arreaga Marroquín, 28 ujunab’, q’ab’em ub’i’ “El diabólico” xuquje’ a Edison Alexander Tocay Chaxap, 23 ujunab’, q’ab’em ub’i’ “Samuray”. Eri nik’aj winaq ri’ e are kab’ixik e uwinaqil ri Mara Salvatrucha (MS).
Are chi’ xsolix pa le ch’ich’, eri e ajchajil tinamit xkiriq ri’ keb’ raqarik k’aqb’alil, kajib’ reqab’al uba’q’ k’aqb’alil xuquje’ 96 chi uba’q’ k’aqb’al utz kakojik. Xuquje’ xkiriq keb’ chi ch’aweb’alil, ri are la’ katzukux utzijolil ri’ xuquje’ kaya’ik uchuq’ab’ ri tzukno’jchak tajin chi rij taq ri k’ax ri’.
Eri q’atb’al tzij xkib’ij che ri nik’aj xechap ri’ xek’am b’i pa q’atb’al tzij ri’, chi la’ k’ut kechomax chi rij ri k’ax xkib’ano. Kab’ixik eri k’aqb’alil xriqitajik qaraj are la’ xkoj che kikamisaxik ri winaqil ri’.