Pa 23 rech enero, ri Sección rech Q’atenem Keleq’axik ri Ch’ich’ xuya ub’ixik chi k’o jun cholchak kab’anik rech ya’ik uchuq’ab’ ri unidad xuquje’ rech ketijox ri rajchak rech kataqixik kaq’atexik e oxib’ kuwach taq ri molaj b’anol k’ax che ri tajin kakeleq’aj ch’ich’ xuquje’ kejach’ich’ pa qatinamit.
Xb’ix k’ut kumal ri taqanel rech chajin tinamit ch eri tzukno’jchak ri’ are la’ tajin ub’anik rech kaq’atexik ri nik’aj elaq’omab’kakeleq’aj ch’ich’ ri’, ri kakib’an elaq’, rumal ri qas xya ub’ixik che ri are chi’ jachin kuloq jun uch’ich’ xaq muk’ulaj katoj pa cheque ri’ rech katoj chi re pa ub’i’ pa ja k’olme’r ruk’ ri wujpwaqil ri’.
Are chi’ kiloq’o jun ich’ich’ rech kib’inisaj, nab’e kixb’e pa jun sede policial kuk’ ajchajil tinamit rech kita’o kasolix utzijol ri ch’ich’ pa le uwachwuj pa kemaltz’ib’ q’aq’nil. Xuquje’ rajwaxik xaq miloq’o ri ch’ich’ rech keb’inisaxik kek’ayix pa le uwachwuj pa kaqiq’ q’aq’nil ri’.
Rumal ri’ eri q’atb’al tzij qas xkiya ub’ixik che xaq miloq’ik pa taq ri k’olib’al ri maj wi winaq. Rajwaxik kab’an ri loq’oj ri’ chinaqaj jun sede policial, rajwaxik iweqam b’i kachib’al ri winaq ri kixloq’oj kuk’, rumal are rajwaxik kak’utik pa jun tzukono’j chi kij ri’. Jeri’ xaq mitak’ab’o kanoq katukel ri ch’ich’ pa tinamit xuquje’ pa taq ri k’olib’em che ri maj wi resab’al rachib’al chajinem.
Eri ronojel elaq’nik ri’ are kab’an chaq’ab’ xuquje’ pa nimaq’ab’, are chi’ kewar ri winaqil xuquje’ are chi’ ketak’ab’ak kanoq ri ch’ich’ xuquje’ ri kejach’ich’ chi uwach taq ri kachoch ri winaqil. Rumal ri’ sib’alaj rajwaxik qas kab’an ri kilik rech maj jun kejo’staj kumal ri molaj e b’anol k’ax.