Eri Departamento rech Tránsito rech ri Wokajil Ajchajil Tinamit (DT-PNC) pawe q’ij 23 rech enero, xkib’an utzijoxik ri Cholchak rech Ya’olchajinem pa Nimab’e rumal ri 63 mul chik keb’e ri Caravana del Zorro ri’, Umeb’ilem Ulaq’ab’al we Amaq’ ri’. Rech taqim uq’atexik riqon k’ax pa nimab’e kumal ri e ajkejel ch’ich’ pa le tyox b’enam ri’, ri kamajtaj b’i pa le keb’ q’ij rech febrero are kak’is pa le kajib’ q’ij rech ik’ le’.
Eri b’anoj nimatzijolinem rech q’axel tzijol are xk’am ub’e ub’anik rumal ri Viceministro rech Tecnología rech ri Tzijolil xuque’ Tzijob’en ib’, William Cameros, ri Taqanel rech ri Departamento rech Tránsito rech ri PNC, Edgar Mazariegos xuquje’ ri K’amol ub’e ri Caravano del Zorro, Eddy Villa de León, kuk’ nik’aj chik ri’.
Eri q’atb’al tzij xkib’ij, eri cholb’enam ri’ are kamajtaj b’i chi uwach ri Palacio Nacional rech ri pa Nimatinamit ri’ xuquje’ are kak’is pa le Basílica rech ri Santo Cristo rech Esquipulas, Chiquimula. “Eri Caravana del Zorro are sib’alaj loq’alaj rilik kumal ri winaqilal che ri ke’opan chi’.
Rumal ri’ sib’alaj kinya ub’ixik chi ke ri winaqilal rech pa suk’alem b’a’ keb’e ri’ xaq misach pa kanima’ che ke’opan chi’ rumal kekojon pa kanima’”, xcha’ ri Viceministro Cameros.
Pawe q’ij ri’ keyexik qaraj ke’opanik e 70 mil chi e ajkejel ch’ich’, rumal ri’ eri DT-PNC ke’utaq e 145 chi ajchajinel, ruk’ 19 chi ch’ich’ patrullas, ruk’ 18 chi kejach’ich’ xuquje’ ruk’ jun jek’ib’al reqaxik ch’ich’. Xuquje’ ketob’anik ri rajchajinel taq q’atb’al tzij rech k’utb’e rech 9 uq’ab’ taq tinamit rech maj jun ch’ich’ tane’ kuriq k’ax pa taq nimab’e.
Ri b’anoj chajinem
Eri chajinem pawe junab’ are la’ kab’an ruk’ jun ya’ltzijolinem rech kepixb’exik xkuquje’ rech keq’alik ri e ajb’inisal kejach’ich’, ruk’ taq k’olib’al chajinem ri’, rech pa ucholalejil ri’, rech sib’alaj chajitalik pa kemon chak wokajil, eri uk’olib’al chajinem rech maj jun kurumumij tane’ rib’ pa nimab’e xuquje’ rech maj jun q’ab’arinaq keb’e tane’, xuquje’ rech kab’an ri unimaxik ri Taqanem rech Tránsito ruk’ ri Retab’al b’anoj ri’.
Eri Taqanel rech ri Departamento rech Tránsito ri’ sib’alaj xub’ij che pa le nimab’e, eri e ajb’inisal ri kejach’ich’ man ya’tal taj e q’ab’arel keb’e, rech man k’ot titz’in ib’ chi rij taq ri kejach’ich’, rech kakik’am ta b’i ri ak’alab’ chi rij taq. Xuquje’ xb’ixik chi ke rech maj jun kach’awik pa taq ch’aweb’al are chi’ keb’e pa taq ri nimab’e.
Eri cholchajinem ri’, are kamajtajik pa le keb’ q’ij rech febrero pa nik’ajil q’ij ri’ k’a pa le kajib’ q’ij rech febrero pa le k’isb’al q’ij waqib’ kajb’al ri’, ri kumaj b’i pa ronojel 222 kilómetros ri’ kamajtaj b’i pa nimatinamit Iximuelw kak’is pa le nimatinamit ub’i’ Capital Centroamericana de la Fe, Esquipulas ri’.
“Eri b’anon b’enam ri’ rajwaxik e chajim pa juntir ri keb’e ri’, ruk’ wari’ sib’alaj kamajtaj b’i ri kichak ri wokajil pa kemom ri’ pa le chajinem q’atenik riqon k’ax”, xcha’ ri Eddy Villa de León, ri ch’ob’om uwach ub’i’ le “Zorro Mayor”.
Pa le Cholchak Ya’olchajinem rech Seguridad Vial ri’ xkoj jun wokaj e aj’ilonelab’ kumal ri jalajoj taq wokajilal kuk’ uq’ab’ wokajil taq rech ri Organismo Ejecutivo, wokajil rech ri Taqon Amaq’, kuk’ ri wokom e ajtob’anel xuquje’ ri q’atb’al tzij rech taq uq’ab’ tinamit.