Eri ministro rech Gobernación, Francisco Jiménez, kimik xukoj che rejqele’n ri k’ak’ k’amol b’e rech ri Diario rech Centro América xuquje’ ri Tipografía Nacional Nacional (DCA-TN), Carlos Morales Monzón ri’. Eri b’anonem ri’ are xb’an pa le nimrachoch ri Taqawokajnem rech ri Ya’olchajinem pa Amaq’.

Eri Morales Monzón, juk’al lajuj chik chakuninaq pa le q’axel tzijolinem, xk’oji che rejqele’n pa q’axel tzijolinem tz’ib’atalik, pa qaxel totab’al tzij xuquje’ pa taluwachtzij. Ri uchak ub’anom ri’ are rech xk’oji che b’ixik tzijolil, ajnuk’ tzijol, k’amol b’e tzijol xuquje’ rech chakuja b’anon tzijol, rumal ri’ xuk’am jun nim ch’ob’oj pa le ub’anik ri chak ri’.
xuquje’ xk’oji che ajtijonel pa rachoch taq nimatijob’al pa Rafael Landívar xuquje’ pa Panamericana ri’ (Upana).

Eri k’ak’ rajk’amol ub’e ri DCA resam jun Licenciatura rech Periodismo pa le Upana, xuquje’ resam jun pensum rech Administración rech Empresas ri’ xuquje’ jun Técnico rech Periodismo pa le Universidad rech San Carlos rech Iximulew (USAC) ri’. Jeri’ resma diplomados rech Periodismo Político Electoral xuquje’ Diseño rech Campañas Políticas Electorales ri’, resam loq pa The George Washington University ri’.

Eri Morales Monzón are chi’ xok che k’amol b’e ri’ xub’ij eri rejqele’n ub’ano are rech kuterenb’ej utzijolixik ruk’ saqilem jikomal ri’ rech kuya’ jun utzilaj uchak chech ri winaqilal e aj iximulew. Ruk’ jun nimalaj reta’mab’al chi rij ri q’axenik tijolil, rumal ri’ eri Diario rech Centro América xuquje’ ri Tipografía Nacional kuterenb’ej ub’anik nim tzijolinem pawe tinamit.