Eri q’atb’al tzij rech ri Centro Antipandillas Transnacional (CAT), rech ri Wokajil Ajchajil Tinamit (PNC), xkiya utzijol chi k’o k’i puqchajinem tzukunik xb’an kumal ri ajchajin tinamit rech México, Belice xuquje’ Honduras, rech xtaqixik kaq’atexik nik’aj pandilleros salvadoreños che ri tajin kakaj kakiya uchuq’ab’ ri pandillas rech ri Barrio 18 xuquje’ Mara Salvatrucha 13 pa Iximulew xuquje’ pa nik’aj chik nimatinamit e k’o apanoq.
Nab’e kanqo xechapik e wuqub’ chi winaqil nimatinamit k’o apanoq xuquje’ pa le waqib’ q’ij rech febrero xeriqitajik xechapik e keb’ winaqil salvadoreños kumal ri ajchajil tinamit rech México, pa le k’ulb’a’t juyub’ rech ri aldea El Carmen, Malacatán, San Marcos. Eri xechapik e are a Víctor Manuel Rodríguez Ramos, 31 ujunab’, alias “Samyli/Chino rech Wesly xuquje’ Clave Noches”, uwinaqil ri Pandilla MS-13.
Eri a Rodríguez Ramos kab’ixik k’o b’anoj k’ax xub’an pa rachoch pa 22 rech febrero rech 2010, k’o b’anoj k’ax xub’an pa 12 rech febrero rech 2015; pa 29 rech febrero rech 2020 xuya ta rib’ xchapik xuquje’ pa le 14 rech febrero rech 2022 k’o xuk’am ruk’.
Xuquje’ kajib’ junab’ xk’oji pa Estados Unidos rech América xuquje’ pa juk’al q’ij wari’ reqam k’aqb’al xchap loq pa Nogales, Arizona.
Xuquje’ xchap a Merardo Antonio Pineda Grande, 26 ujunab’, alias “La Taca xuquje’ Snaimer”, are pandillero rech ri Barrio 18.
Eri jun winaq xchapik xa’ xtaq loq uchapik rumal q’atb’al tzij pa 27 rech mayo rech 2014 rumal xub’an jun k’ax elaq’, are chi’ reqam k’aqb’alil.
Eri keb’ pandilleros salvadoreños xek’am loq pa le Instituto Guatemalteco rech Migración (IGM) pa le frontera rech Iximulew ruk’ El Salvador, Pedro de Alvarado, Moyuta, Jutiapa, are chi’ xb’an kiwujilal rech xetaq b’i, kumal reqa’lenel ri CAT rech ri Wokajil Ajchajil Tinamit salvadoreña.
Eri b’anonem ri’ are k’utub’al rech ri chak tajin kumal ri q’atb’al tzij rech ri Ministerio rech Gobernación kuk’ rajtaqanelab’ ri PNC, xcha’ ri CAT.