Eri awan kunab’al xriqitaj chaq’ab’ iwir pa Puerto Quetzal, Escuintla, are Q62 millones 158 mil 758.75 rajil chi pwaqil ri’, are la’ jun nim q’atenik xb’an chi kech ri narcotráfico naj kapetib’al, xcha’ ri Ministro rech Gobernación, Francisco Jiménez ri’.
Eri nim eqa’n chi cocaína ri’ xk’am b’i pa taq ri k’olib’alil rech ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC), zona 6 uk’u’x nimatinamit, pa xik’ach’ich’ xk’am b’i kumal ri Unidad Aérea rech ri Ministerio rech Gobernación (Unagob) ri’.
Eri Jiménez ri’ sib’alaj xub’ij che pa ronojel ri xriqik k’o 525 chi pisoj ruk’ awan kunab’alil, are ri’ xriq pa jun tzukunik xb’an chaq’ab’ iwir pa jun kaxonach’ich’ ri xok pa Iximulew upetik loq pa Costa Rica.
Eri awan eqa’n ri’ are xtaq rilik usolixik rumal ri ministro Francisco Jiménez xuquje’ rumal ri Quinto Viceministerio rech Antinarcóticos, Werner Ovalle, e rachi’l ri Subdirector General rech ri SGAIA, Wilber Arreaga, xuquje’ rumal ri director rech ri Unagob, Héctor Prera ri’.
Eri Taqawokajnel ri Ya’olchajinem pa Amaq’ sib’ala xub’ij che ri xriqitaj ri’ are la’ kuk’ut ri chak tajin pa reqele’n ri K’amal B’e Amaq’ Bernardo Arévalo pa jun b’anoj ya’olchajinem ri’, jeri’ ri uq’atexik ri narcotráfico ri’. Sib’alaj xuya ub’ixik che ri kemom ya’olchajinem tzukunik rumal ri PNC xuquje’ kuk’ ri Wokajil Ajchajil Amaq’ Iximulew, ruk’ katob’anik rajq’atol tzij antinarcóticos rech ri Minsiterio Público (MP).
Eri Jiménez sib’alaj xub’ij chi k’o jun retal upatan ri ya’olchajinem xb’antaj ri’ pa le uriqik ri nim eqa’n chi cocaína ri’, rumal k’ut eri jun nim eqa’n chi awan kunab’al ri’ are petinaq chi uxe’ taq uch’aqapil ta ch’ich’ xuquje’ rech taqom loq kopan pa Iximulew. Xuquje’ sib’alaj xub’ij che pa reqele’n ri’ rech kuq’atij ri awan kunab’al pa rulewal qatinamit.
Eri jun nim uq’atexik ri narcotráfico ri’ are kuk’utu che tzij b’a are la’ uchak ri K’amal B’e Amaq’ pa kemonchak rumal taq ri ministerios rech Gobernación (Mingob) xuquje’ rumal ri Defensa Nacional (MDN) pa le uq’atexik ri jun nim b’anoj k’ax ri’ pa rulewal tinamit, rech pa ukub’isaxik ri ya’olchajinem winaqilal pa tinamit, xcha’ ri Jiménez.